廣州電視台生活頻道

 廣州電視台生活頻道（粵拼：gwong2 zau1 din6 si6 toi4 sang1 wut6 pan4 dou6） ，簡稱廣州生活頻道，係廣州電視台屬下冇咗嘅免費綜合頻道，主要播時尚生活同劇集、國際電影等節目，語言以粵語同普通話、少量英文節目為主。

廣州生活頻道
邊位屬下	廣州電視台
開播	1994年5月23號
停播	2020年6月8號
廣播語言	粵語、普通話、少量英文
呼號	GZTV-6
總部位置	中國廣東廣州 越秀區環市中路231號
前稱	廣州有線生活頻道（1994～2001） 廣州電視台生活頻道（2001～2005） 廣州電視台英語頻道（2005～2007） 廣州電視台英語生活頻道（2007～2014） 廣州電視台生活頻道（2014～而家）
官方網站	頻道官網
收睇方法 數碼信號 廣州有線 9

頻道主要喺晏晝或前半夜播放自製嘅時尚生活節目，及國際原版電影。凡出現重大新聞或事件直播時，頻道亦會抽嗮跟住安排落嚟嘅直播新聞同劇集、綜藝節目。

頻道喺每日00:30～06:00收台。

史

1994年5月23號，廣州有線電視開播時連呢個頻道都開播，初期嗌廣州有線生活頻道。2001年取消有線電視時同廣州電視台合併而改名做廣州電視台生活頻道。後嚟因為考慮到廣州地區有越嚟越多鬼佬住同埋迎接2010年亞洲運動會，2005年3月28號改名做「英語頻道」嘅名義嚟辦，但實際上，播出嘅節目唔單止好少係英文節目，兼且得好少節目配上英文字幕。兩年後，頻道名又加返「生活」兩字，向中產以上嘅觀眾播時尚生活為主嘅節目。2014年10月14號改返做舊名「生活頻道」。

2020年5月19號，經廣電總局批復，由於廣州電視台要開播南國都市4K頻道，所以要決定將少兒、生活同購物三個頻道嘅高標清版停播。6月8號零時三十九分，頻道正式停播，有廿五年歷史嘅生活頻道成爲歷史^[1]。