廣東有線廣播電視台

  提示：呢篇文講嘅唔係廣東廣播電視台。

 廣東有線廣播電視台（粵拼：gwong2 dung1 jau2 sin3 gwong2 bo3 din6 si6 toi4） 係中國廣東嘅一間冇咗嘅電視台，1993年12月4號開播，2001年7月1號停播。

史

中共廣東省委宣傳部收到廣州有線電視台^{[註 1]}開台料之後，有樣學樣跟佢，喺1993年12月4號成立咗間有線電視台，而機構喺1994年4月1號同6月1號俾國家廣播電影電視部^{[註 2]}批准而成立。電視台開台之後，除咗轉播中央、省、市同兄弟嘅省級衛星電視等好多套節目之外，重開辦咗體育台、信息台同兩套調頻立體聲廣播音樂節目^{[註 3]}。電視台之所以成立，係因為嗰時電視台統一接收香港嘅四個地面無線頻道^{[註 4]}，用清晰嘅畫面嚟嗌啲市民唔好自己接收未經過濾嘅原始信號而方便拉走啲敏感新聞。1996年4月開始，電視台改名做廣東有線廣播電視台。

停播

2001年7月1號，由於廣電總局^{[註 2]}話要取消有線電視，所以電視台原先有嘅都市、信息、影視、購物、卡通等5條頻道冚唪唥同隔籬嘅廣東經濟電視台合併，變成新成立嘅南方電視台^[1]。而有線電視嘅營運管理工作畀咗廣東有線廣播電視網絡，而審查同插播權交咗畀南方電視台。

睇埋

• 廣東經濟電視台
• 南方電視台
• 廣東有線