我是歌手 (第二季)
中國大陸電視節目 From Wikipedia, the free encyclopedia
Remove ads
《我是歌手》第二季，係中國大陸湖南衛視喺2014年第一季度播出嘅逢星期五晚黃金檔音樂類真人騷節目，係2014湖南衛視節目巡禮重點推介嘅一檔節目，接檔節目《爸爸去哪兒第一季》。節目由《我是歌手》系列節目製作人洪濤打造，音樂總監係香港資深音樂人梁翹柏，首期節目喺2013年12月19號喺湖南長沙HBS廣電中心錄製[1]，同埋喺2014年1月3號夜晚8點首播。
.jpg)
《我是歌手第二季》加盟歌手依舊匯聚咗大中華地區嘅知名歌手，首發歌手包括中國大陸嘅韋唯、韓磊、周筆暢、羅琦、香港嘅鄧紫棋、臺灣嘅張宇同馬來西亞嘅曹格；補位歌手包括中國大陸嘅張杰、滿文軍、馬來西亞嘅品冠、茜拉同臺灣嘅動力火車，加盟《我是歌手第二季》共14位。
2014年4月4號夜晚，歷時三個幾月嘅《我是歌手第二季》落下帷幕，最終韓磊贏咗其他參賽歌手，攞咗《我是歌手第二季》歌王[2]，鄧紫棋攞亞軍。
Remove ads
賽制
賽制詳情
第二季嘅賽制除突圍賽、半決賽、總決賽外，其他沿襲第一季。復活賽變突圍賽因為根據第一季賽果，出現唔公平嘅情況，所以喺第二季有所調整。突圍賽邀請喺節目入面遭到淘汰同補位歌手再競演，爭奪半決賽同總決賽第一輪嘅參賽資格，爭奪名額視乎有幾多位首發歌手進入半決賽同總決賽第一輪。競演分做五輪、每輪分兩場，包括突圍賽、半決賽同總決賽，共13期。每輪有7位歌手競演，每場都有500位觀眾聽審投票，每位聽審揀3位自己認為嗰場表現最好嘅歌手。排位賽冇淘汰，淘汰賽將淘汰一位歌手。兩場競演累計得票率最低嘅歌手將被淘汰出7人陣容，由新加入嘅一位歌手替補。
另一方面，呢季將會有更多嘅返場表演（喺歌手遭到淘汰後嘅下一場），畀遭到淘汰嘅歌手有更多機會放低比賽嘅包袱喺舞台表演。喺選歌上，除首埸競演、總決賽可以演唱自己嘅代表作，之後競演需演唱人地嘅作品。
《我是歌手第二季》共有七位首發歌手同五位補位歌手。
突圍賽
根據第二期入面導演洪濤所講，呢季原來嘅「復活賽」將改做「突圍賽」。喺突圍賽入面，遭到淘汰嘅歌手同補位歌手同時競演，爭奪半決賽同總決賽第一輪嘅資格。因為根據第一季賽果，排第三嘅楊宗緯只競演兩期比賽，就直接喺復活賽復活直接進入半決賽同總決賽，而第五名嘅彭佳慧更只需競演一輪就直接進入半決賽同總決賽，所以喺第二季賽制有所調整。
返場表演
根據第二期入面導演洪濤對曹格嘅糾正說法，呢季將會有更多嘅返場表演（喺歌手遭到淘汰後嘅下一場），畀被替換或淘汰歌手有更多機會放低比賽嘅包袱喺舞台表演。
Remove ads
賽果
趨勢統計圖
註：
- A. 平均排名只計算每期官方公佈嘅正式名次，唔計算總排名
成績匯總
- 得票數
- 得票率
Remove ads
賽程
第一輪
排位賽
呢期係我是歌手第二季首場競演、為第一輪排位賽。第一期，喺北京時間2013年12月19號錄製，2014年1月3號夜晚8點喺湖南衛視首播。
淘汰賽
呢期係我是歌手第二季第二場競演、為第一輪淘汰賽。第二期，喺北京時間2013年12月26號錄製，2014年1月10號夜晚8點喺湖南衛視播出。呢期，韋唯演唱時音響出現故障，令韋唯要重唱。
總排名
第一輪，曹格遭到淘汰。
- ^ A. 同第四名差1票
第二輪
排位賽
呢期係我是歌手第二季第三場競演、為第二輪排位賽。第三期，喺北京時間2014年1月9號錄製，2014年1月17號夜晚8點喺湖南衛視播出。第二輪，張杰加入比賽、為首位補位歌手。
淘汰賽
呢期係我是歌手第二季第四場競演、為第二輪淘汰賽。第四期，喺北京時間2014年1月15號錄製，2014年1月24號夜晚8點喺湖南衛視播出。呢期，張宇出場順序原本係1號，鄧紫棋出場順序原本係3號，後來鄧紫棋同張宇交換出場順序。羅琦原本要求同韋唯交換出場順序，但韋唯拒絕。
總排名
第二輪，韋唯遭到淘汰。
第三輪
排位賽
呢期係我是歌手第二季第五場競演、為第三輪排位賽。第五期，喺北京時間2014年1月16號錄製，2014年1月31號夜晚8點喺湖南衛視播出。第三輪，品冠加入比賽、為第二位補位歌手。
淘汰賽
呢期係我是歌手第二季第六場競演、為第三輪淘汰賽。第六期，喺北京時間2014年1月24號錄製，2014年2月7號夜晚8點喺湖南衛視播出。呢期，張杰同品冠曾私下調換過演唱順序，鄧紫棋喺競演過程中耳機突然冇音樂而要重唱。羅琦喺開唱之前發表咗一段感言，認為自己由於懷孕七個月，預產期越嚟越近，自己嘅身體狀況無法令自己攞出最好嘅狀態參與節目，宣佈下期開始退賽（即第四輪開始），但佢話之後會再返嚟[3]，所以下一期競演（即下一輪）會有兩位歌手替補。
- ^ A. 作為現場馬頭琴演奏家
總排名
第三輪，品冠遭到淘汰。
第四輪
排位賽
呢期係我是歌手第二季第七場競演、為第四輪排位賽。第七期，喺北京時間2014年2月13號錄製，因元宵節嘅緣故，喺兩星期後2014年2月21號夜晚8點喺湖南衛視播出。第四輪，因之前羅琦嘅退賽同品冠嘅淘汰，有兩位歌手加入比賽分別係滿文軍同茜拉、為第三位補位歌手。呢期，周筆暢喺競演中唔記得帶耳機。
淘汰賽
呢期係我是歌手第二季第八場競演、為第四輪淘汰賽。第八期，喺北京時間2014年2月20號錄製，2014年2月28號夜晚8點喺湖南衛視播出。呢期，周筆暢出場順序原本係4號、茜拉出場順序原本係7號、滿文軍出場順序原本係2號、張宇出場順序原本係6號，後來周筆暢同茜拉交換出場順序、滿文軍同張宇交換出場順序。
總排名
第四輪，滿文軍遭到淘汰。
第五輪
排位賽（終極排位賽）
呢期係我是歌手第二季第九場競演、為第五輪排位賽。第九期，喺北京時間2014年2月27號錄製，2014年3月7號夜晚8點喺湖南衛視播出。第五輪，動力火車加入比賽、為終極補位歌手。呢期，鄧紫棋出場順序原本係2號、張宇出場順序原本係5號，後來鄧紫棋同張宇交換出場順序。
- ^ A. Rap係周杰倫《安靜》
淘汰賽（終極淘汰賽）
呢期係我是歌手第二季第十場競演、為第五輪淘汰賽。第十期，喺北京時間2014年3月6號錄製，2014年3月14號夜晚8點喺湖南衛視播出。
總排名
第五輪，動力火車遭到淘汰。
- ^ A. 同第一名差1票
突圍賽
呢期係我是歌手第二季第十一場競演，為淘汰歌手同補位歌手嘅突圍賽。第十一期，喺北京時間2014年3月13號錄製，2014年3月21號夜晚8點喺湖南衛視播出。經過五輪競演後，鄧紫棋、韓磊、周筆暢、張宇晉級半決賽；曹格、韋唯、品冠、動力火車、張杰、茜拉進入突圍賽，爭奪三個突圍名額。最終，茜拉、張杰、曹格突圍成功。
半決賽
呢期係我是歌手第二季第十二場競演、為半決賽。第十二期，喺北京時間2014年3月20號錄製，2014年3月28號夜晚8點喺湖南衛視播出。半決賽佔總成績嘅30%。
- ^ A. 亦作現場特雷門琴手
總決賽
呢期係我是歌手第二季第十三場競演、為總決賽。第十三期，喺北京時間2014年4月4號夜晚7點30分現場直播。
總決賽：分做兩輪。第一輪係「幫幫唱」環節，由歌手邀請幫唱嘉賓合演，將綜合半決賽嘅得票率，淘汰最低得票率嘅兩位歌手。第二輪就係獨唱，喺剩低嘅五位歌手入面累計半決賽、總決賽第一輪同第二輪得票率產生呢季歌王。總決賽第一輪佔總成績嘅30%，第二輪就佔總成績嘅40%。
第一輪
總決賽第一輪係「幫幫唱」環節，由歌手邀請幫唱嘉賓合演，將綜合半決賽嘅得票率，淘汰最低得票率嘅兩位歌手。第一輪佔總成績嘅30%。呢輪競演歌手出場順序係，根據半決賽嘅排名，排名越前嘅將可獲得優先選擇權。總決賽第一輪，張宇同周筆暢遭到淘汰。
第二輪
總決賽第二輪就係獨唱，喺剩低嘅五位歌手入面累計半決賽、總決賽第一輪同第二輪得票率產生呢季歌王。第二輪佔總成績嘅40%。呢輪競演歌手出場順序係，根據第一輪嘅排名倒序產生。
歌王之戰
總成績得出前，主持人公佈「終極歌王候選人」為鄧紫棋同韓磊，最後韓磊以28.31%嘅得票率優勢擊敗鄧紫棋嘅24.95%得票率，攞《我是歌手第二季》歌王。
雙年巔峰會
我是歌手第二季總決賽結束後，製作單位決定加演一場「雙年巔峰會」，由呢季嘅前五強歌手同第一季嘅羽泉、林志炫、楊宗緯、彭佳慧同尚雯婕共十位歌手，以競演為「外殼」、以高品質演唱會為「內核」，進行一場大型演唱會，比賽唔設排名。呢期係我是歌手第二季第十四場競演、為「雙年巔峰會」。第十四期，喺北京時間2014年4月11號夜晚10點現場直播。
Remove ads
製作過程
前期籌備
2013年11月5號喺長沙舉辦嘅冠名同廣告客戶招商會入面，請咗第一季嘅參賽歌手黃綺珊同尚雯婕做新一季嘅記者會站台，節目冠名招標起步價為1億出頭，招標過後由立白集團以2.35億人民幣攞咗冠名權，再次成為冠名贊助商。除咗冠名廣告，仲有插播廣告、特殊窗口廣告同助廣告，總共標得廣告價格9億8千萬人民幣，加上其他並未參與招標嘅廠商，於節目播出之際臨時增加嘅廣告費用，總金額超過10億，比第1季招商總額增加2億，網友統計整季節目總營收保守估計近11億[4][5]。
喺第二季，亦響應第一季嘅成功，湖南衛視更開播《我的紀錄片之我的歌手》[6]，由孫璞主持，紀錄我是歌手第二季幕前幕後花絮，同更多參賽者同埋製作人嘅訪問。
喺第一季，因為中港台三地好多綜藝節目係以預錄形式呈現，所以比賽嘅結果或劇情可能會被錄影時嘅現場觀眾洩漏，令觀眾觀看意欲減低。
喺第二季，凡係參加現場錄製嘅觀眾都唔准影相，公佈結果嘅現場更係封密，保安更係無比森嚴，連贊助商都套不到內幕消息。連參賽歌手都參與「放煙霧彈」行動。[7]。內地網友成功透露羅琦喺第4輪起退賽嘅消息[8]，香港網友亦成功透露鄧紫棋喺第3輪（第5、6期）嘅歌單，令「劇透」問題再次出現。結果，喺第五期節目片尾嘅「下期預告」入面，總導演宣佈嗰期係「雙淘汰」，同「羅琦退出我是歌手第二季」確實有關聯。但喺第六場前，網友透露韓磊會選唱蔡依林嘅《看我七十二變》，但因為同韓磊嘅風格格格不入，喺張宇透露前已撇除可能性，但佢亦保證：如果韓磊真係揀嗰首歌，張宇會唱佢嘅《舞孃》（雖然韓磊冇選唱《看我七十二變》，但張宇喺總決賽第一輪以《舞孃》成為組曲之一）。
喺節目播出前，作為該節目嘅官方網站，金鷹網曾經以新聞嘅方式透露出各種各樣嘅節目內容，準確度極高，呢種類似「監守自盜」嘅行為亦引發唔少網友質疑。
為咗更有力防止結果提早外洩，周筆暢喺第二期，即第一輪結果出爐前嗰個星期，喺出席自己潮牌店開業活動接受記者採訪時，有意暗示自己「遭到淘汰」嘅消息，但當正式結果係曹格遭到淘汰，除咗令觀眾驚訝之外，亦達到結果出乎意料嘅效果，但以呢種方法「犧牲」兩位歌手，引起雙方支持者彈劾[9]。 第二次「煙霧彈」行動係喺第七期。即使假嘅補位歌手名單包括林憶蓮、田馥甄、楊乃文、動力火車、陶喆等人，鄧紫棋已成功透出補位歌手係邊個，所以本身亦係歌手嘅吉傑亦加入煙霧彈行動，佢成功掩護茜拉，成為佢嘅「經紀人」兼翻譯，而在場歌手亦演繹咗楊乃文、陶喆同埋動力火車嘅作品。而動力火車將成為第五輪嘅補位歌手。
播出期間
韋唯喺第二期現場表演《在水一方》時突然中斷，根據洪濤嘅講法，係程式出錯，但韋唯喺播放後解釋，係樂隊嘅音響設備突然斷電，而奪冠以為係得到現場觀眾嘅同情。另外，有網友直稱韋唯忘詞同埋走音，韋唯解釋現場觀眾有例證係節目剪接後嘅效果，但原影片因為保密問題而冇外洩[10]。加上佢以渾厚嘅女中音挑戰經典老歌《在水一方》，更造成觀眾評價嚴重兩極分化[11]。但喺第3期，韋唯因為揀錯歌，選唱梅艷芳嘅柔美曲目《女人花》，同佢充滿力量嘅聲線格格不入，排名由第一名暴跌至第七名，令第二輪比賽過關機會蒙上陰影。
韋唯喺第4期演唱啲仔為自己選唱嘅《太陽最紅，毛主席最親》，引起年輕人同社會人士反彈[12]，除咗歌詞帶有民族同埋政治色彩，韋唯處理高音部分嘅穩定度亦較低。喺突圍賽賽前表明唔可以喺賽前賽後同現場觀眾傾偈，以免妨礙投票公正，但韋唯公然犯規，被曹格質疑應該會被剪，但韋唯打圓場時，就想讓觀眾投票畀其他歌手，被網友批評佢多此一舉。
第六期時，事件重演：鄧紫棋演唱仲未到三分之一，鄧紫棋話佢嘅耳機內少咗一條音軌，現場音樂被迫暫停。總導演洪濤喺節目中話，事後確認，呢次事故嘅主因係程式冇進入鄧紫棋嘅耳機內（同時對比播出嘅2次演唱，亦可發現第1次確實少咗電子鼓嘅節奏）。結果鄧紫棋得到第一（因為佢上一輪以全勝過關，加上呢輪嘅第一場攞第二，所以冇影響賽果），但亦因此同王喬（羅琦喺節目入面嘅經紀人）發生誤會，因為佢認為該做法「唔成熟」，被鄧紫棋支持者彈劾。後來鄧紫棋喺官方發出聲明，同埋張傑確認以後對王喬道歉[13][14]。
喺第七期，相反問題出現。周筆暢演唱嗰時唔記得自己冇帶耳機，但以東歐風格改編陶喆《黑色柳丁》，反而乏人問津，第二次排第七名。
喺第二季歌王誕生後，製作單位決定加演一場，為「雙年巔峰會」，由兩季嘅前五強歌手，以競演為「外殼」、以高品質演唱會為「內核」，進行一場大型演唱會，比賽不設排名。喺4月11號夜晚10點現場直播[15]。
軼聞
鄧紫棋篤信基督教，所以喺訪問期間不時提到主，但呢種話題喺內地較敏感，有指鄧紫棋嘅訪問最後疑似被電視台刪改。鄧紫棋回應話佢冇，亦唔想將宗教強加於人，而被間接嘅部分，只係指（音樂同）舞臺[16]。
Remove ads
爭議
喺第一季，楊宗緯由於只競演一輪就遭到淘汰，外界分析係由於佢選唱嘅歌曲偏向安靜、抒情嘅類型，例如王菲嘅《矜持》，決賽時選唱嘅《最愛》等，引唔起現場觀眾共鳴同欣賞，反觀其他選手選唱嘅飆高音、氣氛更活躍嘅歌曲，往往得到較高票數。網友認為現場觀眾更容易俾識炒熱氣氛嘅歌手嘅影響，因而更傾向投畀唱呢一類型歌曲嘅歌手[17][18]。
喺第二季，呢個情況更加嚴重。張宇嘅曲風偏向安靜，編曲比較簡約。雖然張宇入到總決賽，但因曲風問題而無法喺現場票選排名前三名，而羅琦嘅第二名，亦有網友推測：如果後半部歌曲《Knockin' On Heaven's Door》冇變得比較磅礴，可能連第五名都冇[19]。而周筆暢嘅《哭了》雖然能夠感動現場觀眾，但因為沒有飆高音嘅特色，所以只排第五名，同網站票選結果大相逕庭。連第二位補位歌手品冠亦因為聲音屬於溫柔細膩型，喺第五期包尾，只競演一輪便遭到淘汰。對此有媒體戲稱該節目係「我是歌吼」，諸如品冠咁溫暖唔造做作嘅歌手，呢個節目歡迎，但觀眾排斥噉樣嘅歌手[20]。
節目進行到第七期同第八期，班歌手嘅歌曲有相當一部分偏向安靜風格，以此打消對網友戲稱係「我是歌吼」嘅質疑。但係，滿文軍嘅歌曲風格重蹈先前品冠嘅覆轍，喺節目入面「中招」，遭到淘汰。相反，一啲選取知名度較高歌曲嘅歌手或者好吃香，但亦有例外——比如第九期終極補位歌手動力火車選擇咗觀眾熟知嘅《當》，但正係因為隻歌知名度太高，加上觀眾對新歌手好難迅速接受，因此排名唔理想。喺第十期，動力火車選唱蘇芮嘅代表作《酒矸倘賣無》，即使版本根據迪克牛仔改編，同樣因為知名度太高，而排包尾。
Remove ads
節目播放平台
第二季節目喺2014年1月3號起逢星期五夜晚8點喺湖南衛視播出。新媒體平台方面，呢季節目由樂視網攞咗[21]，樂視網喺湖南衛視電視直播嘅同時，網絡都同步播送，同時專門為節目設置一個臨時嘅點評環節，喺廣告時段娛樂記者會針對歌手嘅演出做自己嘅點評。
呢季節目入面出現嘅所有歌曲由QQ音樂獨家發行。
臺灣嘅播映權由八大電視購得，喺3月29號開始逢星期日喺八大綜合台同八大戲劇台播出；節目由永信藥品冠名贊助，改名做《永信藥品我是歌手2》[22]。根據羽泉嘅講法，第二季會喺第一季結束後連播[23]。
香港嘅now芒果台喺1月3號起同湖南衛視同日播出，從2月21號開始改做夜晚8點同湖南衛視同步播出。無綫電視高清翡翠台喺2月23號開始播出第1集。
Remove ads
收視率
 中國大陸 湖南衛視 首播收視率 （CSM48/50） | |||||
| 集數 | 播出日期 | 收視率 | 收視份額 | 排名 | 備註 |
| 1 | 2014年1月3號 | 2.200 | 5.70 | 1 | CSM29省會城市收視率2.27，收視份額5.69 |
| 2 | 2014年1月10號 | 2.149 | 5.52 | 1 | CSM48數據缺惠州數據，實際係CSM47 |
| 3 | 2014年1月17號 | 2.076 | 5.33 | 1 | |
| 4 | 2014年1月24號 | 1.913 | 4.99 | 1 | |
| 5 | 2014年1月31號 | 1.771 | 4.95 | 1 | 呢季最低嘅收視率 |
| 6 | 2014年2月7號 | 2.354 | 6.02 | 1 | |
| 2014年2月14號 | 因直播元宵喜樂會，暫停播出 | ||||
| 7 | 2014年2月21號 | 2.140 | 5.35 | 1 | |
| 8 | 2014年2月28號 | 2.103 | 5.38 | 1 | |
| 9 | 2014年3月7號 | 2.266 | 5.90 | 1 | CSM48數據缺常德數據，實際係CSM47 |
| 10 | 2014年3月14號 | 2.204 | 5.79 | 1 | |
| 11 | 2014年3月21號 | 2.375 | 6.28 | 1 | |
| 12 | 2014年3月28號 | 2.540 | 6.65 | 1 | |
| 13 | 2014年4月4號 | 3.990 | 12.00 | 1 | 呢集採用現場直播 呢集開始CSM48變做CSM50 |
| 14 | 2014年4月11號 | 2.044 | 9.40 | 1 | 呢集採用現場直播，並推遲至22:00播出 |
Remove ads
註
- 2014年2月14號因正月十五元宵節直播元宵喜樂會而暫停播映。
參考資料
出面網頁
綜藝節目變遷
Wikiwand - on
Seamless Wikipedia browsing. On steroids.
Remove ads