插圖

插圖（粵拼：caap3 tou4），又叫插畫waa2，係一種為商業目的而創作嘅平面視覺藝術，好多時用嚟將文字性質嘅內容表達或者襯托出嚟，但係又未必。文字性質嘅內容可能係各種嘅書、報紙、雜誌、海報呀噉。

某本《白雪公主》故仔書嘅插圖；依幅插圖描繪王子望住玻璃棺材裏面嘅白雪公主。

呢幅插圖描繪嘅，係仙子故事《著長靴嘅貓》。

插圖通常理解做係一種圖畫；但係所謂畫可能係首先整咗一件立體嘅嘢^[1]（例如用泥膠砌一個景出嚟），然後先將佢平面化。

專職畫插圖嘅人，叫插畫師（間中叫插畫家），當中做醫學插圖嗰啲要經過特別培訓。

基礎

《西遊記》嘅插圖

睇埋：畫畫

插圖有商業目的，唔似得純藝術嘅畫噉，係齋為咗創作而畫，即係畫插圖嗰陣，要顧及目的同對象。例如，醫學插圖有種常見嘅做法，係將正常會睇唔到嘅內部結構，用切走外面嘅方法整到睇到^[2]。

插圖可以達到唔少嘅功能：

• 詮釋或者加強文本嘅內容。
• 對於文字性質嘅虛構故仔作品嚟講，插圖可以清晰噉表達故仔嘅場景同角色。睇埋展示，唔好齋噏嘅概念。
• 對於教書用嘅材料嚟講，插圖可以具體噉展示一啲抽象嘅概念，或者展示（例如）實驗嘅步驟圖解，有利於學習。

應用

19 世紀一本書入面有幅插圖，描繪幾種昆蟲係咩樣－動物嘅樣就噉用文字好難表達，用插圖就清楚好多。

• 故仔書
• 插圖小說

睇埋

• 立體投影
• 童話故事
• 文本到圖像生成模型