文學
From Wikipedia, the free encyclopedia
Remove ads
文學（粵拼：man4 hok6；英文：Literature）係語言文字嘅藝術（文學係由語言文字組構而成嘅，開拓無言之境），往往係文化嘅重要表現形式，以不同嘅形式（稱作體裁）表現內心同埋再現一定時期，一定地域嘅社會生活.
 |
| 文學 |
|
| 散文 - 韻文 - 駢文 |
| 詩 - 詞 - 曲 - 歌詞 |
| 小說（長篇小說） - 戲劇 - 傳記 |
| 兒童文學 - 文學流派 |
| 西方文學理論 - 文學史 |
| 地域文學 |
| 古希臘文學 - 古羅馬文學 |
| 古埃及文學 - 愛爾蘭文学 |
| 美國文學 - 英國文學 |
| 意大利文學 - 非洲文學 |
| 西班牙文學 - 印度文學 |
| 中國文學 • 臺灣文學 • 香港文學 |
| 朝鮮文學 • 韓國文學 • 北韓文學 |
| 德國文學 - 伊朗文學 |
| 日本文學 - 法國文學 |
| 拉美文學 - 俄國文學 |
| 作家 |
| 小說作家 - 隨筆家 |
| 劇作家 - 評論家 |
| 詩人 - 詞人 |
| 作曲家 - 填詞人 |
| 散文家 - 網絡作家 |
| 類 |
| 文學 - 各國文學 |
| 文學類型 - 文學體裁 |
| 作家 - 登場人物 |
| 文學流派 |
由於出版同教育嘅進步以及社會嘅全面發展，已經失去其壟斷地位成為大眾文化嘅一支。產生咗所謂嘅嚴肅文學同通俗文學或大眾文學之分。
Remove ads
文學類別
文學理論
文學研究
文學體裁
内文：文學體裁
中國古代分為詩同埋文，文又分為韻文同散文，現代一般分為：詩歌、散文、小說、戲劇，並稱為四大文學體裁；中國嘅抒情詩同散文（稱為「古文」）最早而比較發達。西方就分為詩歌同散文兩個基本類型。敍事詩同戲劇成熟較早，此外小說比較發達。
傳統嘅詩係有韻律嘅文學作品。佢通過詩嘅想像同抒情來表達某種強烈嘅情感。詩係歷史最悠久嘅文學形式。中國係世界上詩歌最發達嘅國度之一，由中國最早嘅詩歌總集詩經，最早嘅長篇抒情詩離騷以來。漢代嘅樂府，唐宋格律詩，同埋唐末興起嘅詞，元曲以及五四以來嘅新詩。歷代嘅民間歌謠。構成咗中國詩歌無以倫比嘅巨大傳統。相比之下西方嘅敍事詩發達較遲，並結合戲劇，成就好大。例如荷馬史詩，但丁嘅神曲，莎士比亞劇本。
散文冇嚴格嘅韻律同埋篇幅限制嘅文學形式。同韻文相對。中國嘅散文從先秦諸子散文發展而來，代有散文名家名作。其中歷史散文同賦體以及奏議文告等應用文體，對後代產生咗深遠影響。中國自古就係世界上散文最發達嘅國度。
戲劇係另一種古老嘅文學形式。佢主要通過唔同角色之間嘅對話來表達作者嘅思想同感情。戲劇可以用於舞臺嘅表演，都可以閱讀。
小說係以虛擬世界為內容嘅綜合文學形式。傳統上以散文為主體。莊子：飾小說以幹縣令。中國現代意義上嘅小說，係從先秦散文中嘅寓言濫觴，經過漢末六朝嘅筆記，到唐傳奇宋話本擬話本而成熟，再傳至明清以中國四大小說名著為代表嘅長篇小說同埋以聊齋志異為代表嘅短篇小說。西方嘅小說稱為fiction，被稱為散文史詩。小說上接神話傳說，作為後起嘅文學形式。由於佢巨大嘅容量，深刻全面咁反映咗現實同埋啲人嘅思想，成為近代以後主流嘅文學形式之一。
其他體裁有：
Remove ads
研究與批評
内文：文學批評
Template:擴展章節
文學理論
睇埋：文學理論同哲學與文學 § 文學的哲學
文學理論其中一個基本問題係「咩係文學？」— 雖然好多現代理論家同文學學者都認為「文學」冇法定義，或者可以指任何語言嘅運用。[1]
文學小說
睇埋：西方經典 § 文學經典
文學小說係用嚟描述探索人類狀況任何層面嘅小說，可能包含社會評論。文學小說往往被視為比類型小說，尤其係商業化類型，擁有更高嘅藝術價值。不過呢個觀點近年被挑戰，因為大學對類型小說進行嚴謹嘅研究。[2]
英國作家威廉·博伊德（William Boyd）對短篇小說嘅評論可以應用喺所有散文小說：
短篇小說似乎滿足咗我哋內心深處某啲需求，好似喺故事講述嘅過程中，創造咗某種特別嘅嘢，抽取咗我哋經歷嘅精髓，畀咗某種暫時嘅意義喺我哋呢段共同而又動盪不安嘅生命旅途中。[3]
最頂尖嘅文學作品每年由諾貝爾文學獎頒發，呢個獎畀任何國家嘅作家，只要佢喺阿爾弗雷德·諾貝爾嘅遺囑用字度，創作咗「喺文學領域度，最傑出作品，並具有理想導向嘅方向」。（原文瑞典語：「den som inom litteraturen har producerat det mest framstående verket i en idealisk riktning」）。[4][5]
想像文學嘅價值
有啲研究者認為文學小說對個人嘅心理發展可以起到一定作用。[6]
心理學家霍根（Hogan）主張，人哋用時間同情感去理解文學角色嘅處境係值得嘅；[9]佢認為文學能夠引發普遍情感，連結廣大社群，同時畀讀者接觸唔同文化同新嘅情感體驗。[10]例如有研究顯示，文學文本入面熟悉文化價值嘅存在，對少數民族學生嘅表現有重要影響。[11]
心理學家馬斯洛嘅理論幫助文學批評家了解文學入面角色點樣反映佢哋嘅個人文化同歷史。[12] 呢個理論表明文學幫助個體追求自我實現。[13][14]
審美價值
Template:另見
Remove ads
粵語文學
睇埋：粵文化
文學人物
不同語言或國家嘅文學
- 亞洲文學
- 中國文學
- 馬新文學
- 緬甸文學
- 日本文學
- 朝鮮文學
- 歐洲文學
- 英國文學
- 德國文學
- 希臘文學
- 俄羅斯文學
獎項
文學界有好多獎項，用嚟表彰文學嘅成就同貢獻。因為呢個領域好多元化，獎項通常範圍有限，多數係針對：形式、體裁、語言、國籍同產出（例如首次作家或者初次小說）。[15] 諾貝爾文學獎係阿爾弗雷德·諾貝爾喺1895年遺囑設立嘅六個諾貝爾獎之一，[16] 係根據一個作家嘅整體作品而頒發，而唔係針對某一部特定作品。[note 1] 其他不限國籍嘅文學獎包括：諾伊施塔特國際文學獎、曼布克國際獎、普立茲獎、雨果獎、衛報首部作品獎同弗朗茨·卡夫卡獎。
睇埋
出面網頁
Wikiwand - on
Seamless Wikipedia browsing. On steroids.
Remove ads