有線寬頻開電視

  呢篇文章講嘅係一間香港免費電視公司。想搵之前叫奇妙電視、開電視嘅免費電視頻道，請睇「HOY TV」。想搵之前叫有線奇妙台嘅收費電視頻道，請睇「有線綜合娛樂台」。

 有線寬頻開電視有限公司（粵拼：jau5 sin3 fun1 pan4 hoi1 din6 si6 jau5 haan6 gung1 si1） （英文：i-CABLE HOY Limited），通稱開電視，前名 奇妙電視有限公司（粵拼：kei4 miu6 din6 si6 jau5 haan6 gung1 si1） （英文：Fantastic Television Limited），通稱奇妙電視，係香港免費電視台，由有線寬頻（中文：有線寬頻）擁有。公司喺2013年10月獲行政長官會同行政會議原則上應承有得發牌^[8]，其後喺2016年5月31號正式發牌，並計劃喺發牌後12個月同24個月內分別開設粵語同英語頻道^[9]。粵語頻道「奇妙電視中文台」喺2017年5月14號開台，曾喺2018年10月27號改名做「香港開電視」，再喺2022年10月18號改名做「HOY TV」。公司嘅註冊資料喺2024年1月18號改用現名，節目結尾標誌喺同年1月29號改用現名。

有線寬頻開電視有限公司

i-CABLE HOY Limited
類型	有限公司
開檔	2009年7月28號，15年之前 (2009-07-28) （2024年1月18號改用現名）
總部地址	香港新界荃灣海盛路9號有線電視大樓
緊要人物	鄭家純（董事會主席，非執行董事）[1][2] 邱達昌（董事會副主席，非執行董事）[3] 曾安業（董事會副主席，執行董事）[1][2] 黃思遠（行政總裁，執行董事）[4][5][6][2] 陳永孫（董事總經理）[7] 李國恒（執行董事）[1] 張家龍（執行董事）
產業	傳媒、電視、大眾傳播
產品	HOY TV、HOY國際財經台、HOY資訊台
母公司	有線寬頻（中文：有線寬頻）
網址	HOY TV 官方網站 HOY國際財經台 官方網站

唔同另外兩間香港免費電視台，「奇妙電視中文台」無喺啟播當日透過網站或者流動應用程式提供節目重溫。「香港開電視」而家有YouTube頻道，但訂閱人數遠低於其他免費電視台嘅頻道訂閱人數。

廣播

固網

2016年6月1號起，部分樓嘅公共天線訊號開始有兩個奇妙電視嘅靜態畫面做數碼電視傳送嘅測試訊號，靜態畫面內容分別係「奇妙電視中文台快將啟播（Fantastic TV Chinese Channel Coming soon）」及「奇妙電視英文台快將啟播（Fantastic TV English Channel Coming soon）」。兩個台曾經暫時用編號901／71（中文台）同900／72（英文台），之後就分別改咗77及76。同時，有啲公共天線嘅訊號出現咗兩個加咗黑邊嘅4:3模擬電視測試畫面嘅中文台，之後減到一個。

2017年5月14號，中文台喺晚上8點正式開始播放，而佢第一個節目喺節目巡禮《星匯奇妙77》。

2018年4月下旬，奇妙電視話，出現難以確定嘅情況同埋緊要人物有人事變動，雖然已經做咗啲嘢但準備嘅過程都重係有困難，就向通訊事務管理局申請將英文頻道開台期限延長2個月，當局話考慮奇妙電視特殊情況同經營環境後，做彈性處理，批准延長期限到7月30號，但強調哩次「破例」將唔可以做為先例，同唔畀再度延期^[10]。

2018年7月30號，英文台正式開始播放。

大氣電波

2021年4月29號，通訊局原則上批准奇妙電視嘅申請，除咗用固網外，亦可以用大氣電波做免費電視服務嘅新傳送方式。目標喺2022年第一季開始試用大氣電波廣播，並喺2022年底前開多一個新台^[11]。

2022年2月24號，通訊局正式批准奇妙電視申請使用大氣電波做新嘅傳送方式，奇妙電視將會用大氣電波頻道22（即478–486兆赫）播放佢嘅電視節目頻道。大氣電波版本嘅香港開電視同香港國際財經台預計唔遲過2022年4月1號廣播，78台預計唔遲過2022年11月24號或之前廣播^[12][13]。3月14號，奇妙電視透過第一批七個發射站為準備緊嘅大氣電波頻道進行技術測試。

2022年3月24號，直到3月31號之間用靜態畫面測試廣播^[14]。靜態畫面內容係「Ch77 香港開電視 及 Ch76 HKIBC 現正進行大氣電波訊號測試 Ch77 HK OPEN TV and Ch76 HKIBC Off Air Signal Testing」及「奇妙電視78台即將啟播 Fantastic TV Ch78 Coming soon」之後改咗做「78台即將啟播 Ch78 Coming soon」。

2022年4月1號，喺朝早6點鐘開始咗第一批嘅大氣電波廣播，同埋將會喺2022年嘅第四季或之前慢慢將覆蓋率提高到99% ^[15]。

2022年9月23號，香港開電視同香港國際財經台宣佈，大氣電波廣播嘅覆蓋範圍由嗰個月開始會擴大到全港約99%嘅人口^[16]。

2022年11月14號，HOY TV喺佢個Facebook官方網頁喥講78台將會喺2022年11月21號正式啟播，並改名叫做「HOY資訊台」，英文名叫做「HOY Infotainment」，而頻道嘅靜態畫面就改為顯示「HOY資訊台於11月21日正式啟播」及「HOY Infotainment will begin broadcasting on 21^st November」^[17]。

頻道改名

2018年10月16號，奇妙電視宣佈77台喺10月27號改名做「香港開電視」，英文名叫做「Hong Kong Open TV」^[18]。

2022年10月17號，政務司司長陳國基同有線寬頻一班高層，包括集團副主席兼執行董事曾安業，喺發佈會宣佈「香港開電視」喺10月18號正式改名做「HOY TV」^[19]。

頻道一覽

頻道 編號	頻道名	頻道內容	傳送制式	視訊制式	音效制式	啟播日期	相關連結
76	HOY國際財經台	24小時英語綜合頻道 紀錄片、電影、香港電台、新聞、資訊同財經節目	有線寬頻固網 （混合光纖同軸電纜、微波多點傳輸）[20] 數碼廣播（大氣電波）	數碼廣播： 高清電視 | 1080i | 16:9	數碼廣播： AC-3／兩組聲軌／2.0聲道	有線寬頻固網︰ 2018年7月30號[10] 大氣電波︰ 2022年4月1號[15][16]	官方網頁 Wayback Machine嘅版面存檔備份
77	HOY TV	24小時粵語綜合頻道[9] 新聞、財經、綜藝節目、清談節目、兒童節目、真人騷、旅遊、飲食、劇集、電影同體育				有線寬頻固網︰ 2017年5月14號[21] 大氣電波︰ 2022年4月1號[15][16]	官方網頁 Wayback Machine嘅版面存檔備份
78	HOY資訊台	新聞資訊頻道[17] 本地新聞、環球財金、體育同輕資訊等				2022年11月21號[17]

節目

以下係將會喺奇妙電視播放嘅外購動畫（包括電視動畫、OVA、劇場版同動畫電影）。

以下係奇妙電視嘅母公司－有線寬頻通訊有限公司旗下已經完成咗配音嘅外購動畫節目，並未曾喺香港嘅免費電視頻道播放，預計會喺奇妙電視開台後喺佢嘅免費電視頻道播放。

• 卡片鬥士翔
• 寵物小偵探
• 夢幻蛋糕師
• 絕對可愛CHILDREN
• 元素獵人
• 劍道甜心
• 魔法小咪路