李卡特量表

李卡特量表（英文：Likert，近似粵音：lai1 koek4）係心理測量學上常用嘅一種社會統計調查方法，指每一條題目都成一句句子，而受試者要做嘅係睇每條題目，答自己有幾同意嗰句句子講嘅嘢；例：一個心理測驗量度一個人有幾外向，其中一條題目會係「我鍾意識新朋友」（一句句子，描述緊一樣同外向度有關嘅行為），而受試者要填一個 1 至 5 嘅數字，當中 1 分表示好唔同意呢句句子，5 分表示好同意^[1]。