性格測驗

性格測驗（粵音：sing3 gaak3 caak1 jim6）泛指用嚟量度一個人嘅性格嘅心理測驗。呢啲測驗會透過一系列問題或者陳述句，要求作答者按自己嘅行為習慣、感受同反應方式作出回應，從而推斷佢哋喺唔同性格維度上嘅表現。性格測驗喺心理學、教育、招聘以至輔導等範疇都有廣泛應用。

常見嘅性格測驗包括以五大性格特質（B5）為基礎嘅問卷。根據測驗類型同研究目的，有啲測驗會用李卡特量表，有啲會用強制選擇量表格式，要求受測者喺幾個選項之間作出取捨，從中反映佢哋嘅優先選擇。

基礎概念

五大性格特質嘅圖解

内文：心理測量學同性格

喺嚴格心理學上，性格係指一個個體特有（即係同第啲個體唔同）嘅行為、情緒或者認知特性：想像一個人，佢可以想像成一個會由刺激俾反應嘅系統，而人係有個體差異嘅生物物種；就算接收嘅刺激完全一樣，唔同人都可能會有唔同反應^[1][2]，例如外向度高嘅人喺見到新朋友（刺激）嗰陣，比較有可能會作出「主動行埋去結識」嘅反應，而外向度低嘅人喺同一個情況下會「主動行埋去結識」嘅機會就比較低^[3]。

假設多數受試者都係願意同有能力俾準確資訊嘅話，呢個性格測驗上嘅分數理應會一定程度上噉反映^{[註 1]}一個人幾容易驚。呢類性格測驗雖然話唔係完全靠得住，但經已相當有用－例如有個能夠「多數時候都準確噉量度」到外向度嘅問卷，而研究又發現外向度喺某啲情況下能夠預測一個員工嘅工作表現，噉呢個問卷就會喺管理上就有可能可以攞嚟幫手度請員工上嘅考量^[4]。

問題類型

内文：李卡特量表

廿世紀性格測驗嘅常見做法係用李卡特量表（Likert），指每一條題目都係一句句子，而受試者要做嘅係睇每條題目，用數字答自己有幾同意嗰句句子講嘅嘢^[5]。例如量度一個人有幾容易驚嘅李卡特式性格測驗望落會似係噉嘅：

 If approached by a suspicious stranger, I run away.
   （翻譯：「如果有個可疑嘅陌生人行埋嚟，我會走佬。」）
 If the fire alarm rings, I immediately rush out of the building.
   （翻譯：「如果火警鐘響，我會即刻跑出去棟建築物外面。」）
 ...

每一條題目受試者都係要填一個 1 至 5 嘅數字，當中 1 分表示好唔同意嗰句句子，5 分表示好同意，3 分表示中立。

亦可以睇睇強制選擇型嘅問題。

睇埋

• 智商測驗
• 見工

註釋

1. 原則上，好似人腦呢啲噉嘅複雜系統本質上就永遠會有不確定，所以任何嘅心理測量架生頂櫳只會做到「多數時候啱用」，而唔會做到「喺所有個案當中啱用」。