李燕燕

李燕燕（Li Yin Yin，1998年6月5號—），身高1.58米，體重50公斤，係香港女子單車運動員^[1]。

李燕燕

簡歷

李燕燕原本係香港女子足球代表隊U18成員，後嚟改練單車^[2]。2015年，佢轉做全職運動員，曾經喺2016年亞洲單車錦標賽青年組個人公路賽攞到第四名^[3]同凱琳賽攞銀牌^[4]。喺轉戰成年組之後，佢由原本主力嘅公路賽轉戰場地賽^[5]。

2018年8月，李燕燕代表中國香港參加印尼舉行嘅亞洲運動會單車比賽；同馬詠茹合作出戰女子團體爭先賽決賽，最後用咗35秒024完成，贏到銀牌^[6]。