梁德華

  提示：呢篇文講嘅唔係劉德華。

梁德華，香港親中派政治人物兼道教界人士，而家係香港道教聯合會主席^[1]。

政治立場

佢係親中派人士，不時以香港道教界代表嘅身份，參與一啲親中共同建制嘅活動^[2]。

喺2014年雨傘革命期間，佢連同另外五名宗教領袖曾經發表聯合聲明，表示願意做府同佔領者之間嘅溝通橋樑^[3]。不過，之後佢對非建制派嘅態度日漸變得負面。2021年，佢公開反對將愛國教育稱為洗腦，又聲稱愛自己嘅國家係正常道德。佢又曾經用「黑暴」形容反修例運動嘅參加者，佢帶領嘅香港道教聯合會又曾經發表聲明全力支持北京繞過香港立法會，事前未經香港人同意嘅《香港國安法》，又話國安法唔能夠被反對，亦唔應該被反對^[4]。

而去到2021年中共未經香港人同意，修改香港選舉制度之後，佢接受林鄭月娥主持節目《選委界別分組面面觀》訪問嘅時候，又大讚林鄭洞察民情，制度修改後選委會嘅代表性更強^[1]。

選舉經歷

喺2016年，佢成為香港特别行政區選舉委員會宗教界委員。之後，佢有份提名林鄭月娥參與2017年香港行政長官選舉^[5]。

喺2021年9月，佢成為香港特别行政區選舉委員會宗教界委員^[6]。之後佢喺李家超無提政綱嘅情況下，有份提名李家超參與2022年香港行政長官選舉^[7]。