筆刀

筆刀^{[註 1]}係一種可以拆刀片嘅刀仔；1930年由一間做手術刀嘅美國公司發明^[1][2]。因為砌模型會用^[3]，又叫模型刀或者模型𠝹刀；但係其實做藝術、平面設計、影相同畫則都好多人中意用佢^[1]。

筆刀

佢同普通鎅刀嘅分別係佢嘅刀片係好似擰螺絲咁上喺筆杆底部，只會擰得唔夠實刀片跌出嚟，唔會大力得滯搞到刀片縮咗入去，刀片亦比較一般嘅鎅刀實淨。