環境平面設計

提示：呢篇文講嘅唔係環境設計。

環境平面設計^{[註 1]}（英文：environmental graphic design，簡稱 EGD）或者環境圖形設計^{[註 2]}，又叫體驗式設計^{[註 3]}（英文：experiential graphic design，簡稱 XGD），係平面設計嘅一個分支^[1]^:14，喺1973年由平面設計分出來^[2]，但係同建築學、工業設計、景觀設計同室內設計都有關係^[3]；環境平面設計嘅目的係透過平面設計嘅設計元素，喺三維空間達到傳達訊息嘅目標，主要工作可以粗略咁分做｢尋路系統｣同｢展覽設計｣兩大類^[4]^[5]^:71。

環境平面設計可以同品牌設計結合或者按住設計好嘅品牌做（英文叫 placemaking），目的係訪客對嗰笪地方有好嘅印象，唔會覺得同個品牌嘅其他嘢唔夾^[6]^:73。

一般嘅平面設計師都可能會做環境平面設計，但係有啲人專做環境平面設計，呢啲人叫環境平面設計師。

呢節要加長。

呢篇文講人搵路。想搵電腦搵路嘅話，請睇搵路。

｢尋路｣（wayfinding）呢個領域係指設計一個包含各種指示牌嘅系統，等人知道自己喺邊，同點樣搵路去第個地方^[5]^:71。人搵路不外乎兩種方法，一係就已經熟悉嗰個地方，唔使幫就識靠地標搵路；一係就要問人或者靠架生，跟住指示由一點 A 去到另一點 B，直至到達終點為止，呢種方法叫做 linear wayfinding（線性尋路）^[5]^:72。

所謂｢尋路系統｣（wayfinding system）或者｢指示牌系統｣（signage system）^[7]就係呢種幫人用線性尋路嚟搵路嘅系統，原理係用指示牌等等嘅設計元素製造一啲人造地標，令人可以認路。一個理想嘅尋路系統會提供又齊又準嘅資訊，而表達方法就又睇得明又有文理^[5]^:72。

尋路系統用嘅指示牌通常按功能可以分做幾大類，包括標示位置（identification）、教人點去第度（directional）、地圖（orientation）同有規管性質（regulatory，例如｢左行右企｣、｢請勿觸摸｣等等）^[6]^:47。除咗牌之外，亦可以喺環境入面加入例如顏色、圖標、聲音、數碼科技等等^[8]^[7]^[9]^[10]。

設計指示牌有一啲標準嘅圖標可以用^[11]^:173，但係唔表示設計者喺呢方面唔使做嘢。例如，歐美設計嘅圖標可能喺亞洲唔係好啱用，設計者就要改圖標或者創作一啲新嘅圖標^[12]。

工作概要

設計尋路系統係一種要做好多準備工夫先做得好嘅工作，最重要嘅第一步就係分析當地環境，以便預計用嗰笪地方嘅人嘅需要，而呢步最基本就係要睇圖則，根據份則估計啲人會喺邊度入、喺入便會要去邊、企邊度望乜嘢角度要睇到乜、完咗喺邊度走出去等等，再估計邊度要擺牌，啲牌又要寫乜嘢，啲字要幾大等等^[6]^:57。

到諗一般認為係平面設計嘅嘢（例如顏色、字體等等）都唔係想點就可以點。例如，當中有啲嘢（例如字體比例、使唔使放點字等等）可能有法例規定^[5]^:72–75，又或者有時品牌用開嘅設計元素唔啱喺三維空間用^[6]^:69。所謂唔啱用，係因為指示牌好多時係畀人遠距離望，所以啲字一定要好遠都好清楚，所以唔可以亂揀字體^[6]^:80，亦都唔可以亂揀顏色^[6]^:88–90。

設計完成之後，設計師要寫一系列嘅文件，用嚟解釋點解咁設計，同話畀其他人知啲牌點整，放喺邊、點放等等^[6]^:138–140。

環境平面設計

尋路系統

工作概要

展覽設計

睇埋

拎

參考資料

註

Wikiwand - on