異分散性

異分散性係一個統計學概念，如果話某一拃隨機變數具有異分散性，意思即係話嗰拃變數當中有最少一個喺變異數上同其他嗰啲唔同。喺統計分析上，分析者往往要留意異分散性，噉係因為異分散性好可能表示手上個模型有景轟，例如响迴歸模型入便，殘差原則上應該要滿足同方差性，即係變異程度唔會隨住自變數嘅值變而跟住變，而假如呢點唔成立，就表示模型好可能有問題，會影響估計結果嘅正確度^[1]。