簡加言

簡加言係香港親中派教育界人士，曾任路德會西門英才中學校長^[1][2][3]。曾經任教福建中學（小西灣）^[4]。

部分公職

• 香港升旗隊總會副主席^[5]
• 香港教師中心主席^[6]

政治立場

佢係香港親中派人士。佢喺學校積極推廣國民教育^[7][8]，推動北京未經諮詢或香港人同意，強行落實嘅《港版國安法》^[9][10]，並鼓勵學生去內地升學^[9]。簡加言曾自編國民教育校本^[11]，又公開讚賞過涉及假新聞爭議嘅《大公報》^[2]。

香港反修例運動期間，簡加言聯署反對學生參與追究七二一元朗襲擊責任嘅遊行，並形容遊行犯法，但就無批評襲擊市民嘅行為^[3]。

爭議

喺佢路德會西門英才中學擔任校長期間，學校多次被批評，包括行政透明度低、未諮詢教師就作出決定，同內地嘅頻繁交流加重教師工作負擔。佢仲被指為迎合內地人，將學校嘅坐廁改為踎廁，而自費交流團嘅費用亦較教育局規定貴逾一成，但無作出交代^[12][13]。