粵語注音符號
From Wikipedia, the free encyclopedia
Remove ads
粵語注音符號（粵音：Jyut6 jyu5 zyu3 jam1 fu4 hou6）係1930年代至1950年代喺中國東南爲當地嘅廣東話標音嘅拼音方案，運用當時由中華民國所制定嘅注音符號來直接拼寫廣東話嘅發音。喺人民政府時期又叫廣州音注音符號方案。
歷史
民國政府時期
官話注音符號製訂之後，喺全國各地進行拼寫本地漢語語言嘅工程。爲此，廣東省注音符符號推行委員會成立，佢嘅推行辦法草案第五項爲：「編輯方音注音符號傳習小冊及注音符號本地同音常用字彙，用本地話解釋，以利推行……」委員會成員包括趙雅庭，佢首先整咗「粵語注音橫推直看拼音一覽表」，呢份表喺省立注音符號傳習所同中華國音快字研究會實驗過，演講唔使一個鐘，全場參與者都識晒。然後，佢喺1931年出版《民眾識字粵語拼音字彙》，以注音符號標列廣州市粵音。爲咗標示粵音，佢新增粵語裏面獨有嘅「
（gw）」同「
（kw）」符號，用嚟取代原本「ㄍㄨ、ㄎㄨ」嘅拼法，不過𠼮書入面並唔統一，有時用新符號，有時仲係用「ㄍㄨ、ㄎㄨ」。元音「eo同oe」都用新增嘅「
」號。「z、c、s」嘅寫法用「ㄐ、ㄑ、ㄒ」。至於粵語獨有嘅元音「a」，趙雅庭冇特別增設符號。佢借「ㄟ」代表「ai」而非「ei」（「ei」改作「ㄝㄧ」）；借「ㄡ」代表「au」而非「ou」（「ou」改作「ㄛㄨ」）；借「ㄣ」同「ㄥ」代表「an」同「ang」（佢哋本來表示官話嘅「en」同「eng」，而粵語無此音）。至於「am」，則以「ㄜㄇ」標示。換言之趙雅庭以「ㄜ」代表粵拼嘅「a」元音，但佢盡可能用其他方法嚟表示，減少使用「ㄜ」字。韻尾「-m、-n、-ng、-p、-t、-k」嘅寫法係「ㄇ、ㄋ、ㄫ、ㄆ、ㄊ、ㄎ」，同聲母、元音一樣大細，佢下面亦冇附點。鼻音獨立韻使用「ㄇ」同「ㄫ」。
但係國語統一籌備委員會冇點採用或者吸收趙雅庭嘅方案。佢喺1932年4月初版、由趙元任主編嘅注音符號總表度，有用注音符號做基礎，修改而成嘅廣州閏號分表，採用嘅標示方法同趙雅庭版本差好遠。喺國語注音符號嘅基礎上，刪走咗「ㄐ、ㄑ、ㄒ、ㄓ、ㄗ、ㄘ、ㄙ、ㄔ、ㄕ、ㄖ、ㄜ、ㄦ」12個符號，加咗「
（z）、
（c）、
（s）、
（ng聲母）、
（a）、
（eo同oe）、
（aam）、
（on）、
（ong）、
（-m同m鼻音韻）、
（ng鼻音韻）」11個符號。用「
（-p）、
（-t）、
（-k）」附喺元音後面去記錄入聲韻。方案有15個聲母符號同埋24個韻母符號（包括用於韻腹同韻尾嘅符號），共39個符號（聲母嘅「ㄆ、ㄊ、ㄎ」同韻尾嘅「ㄆ、ㄊ、ㄎ」分開計）。本條目後列嘅民國政府方案，即係國語統一籌備委員會方案，唔係趙雅庭方案。
人民政府時期
廣東省人民政府文教廳喺大約1952年頒佈咗新嘅粵語注音方案。同民國政府方案相比，新增粵語入面獨有嘅「（gw）」同「（kw）」符號，嚟取代原本「ㄍㄨ、ㄎㄨ」嘅拼法。「z、c、s」嘅寫法由「、、」改爲「ㄐ、ㄑ、ㄒ」。「ㄟ」代表嘅音由「ei」改爲「ai」（而「ei」就改做「ㄝㄧ」）。「ㄡ」代表嘅音由「ou」改爲「au」（而「ou」就改做「ㄛㄨ」）。「ㄣ」同「ㄥ」改爲代表「an」同「ang」——喺廣州閏號「ㄣ」同「ㄥ」淨係做韻尾「-n」同「-ng」，同韻腹元音結合，唔會單獨使用。「eo同oe」嘅寫法更改做「」。同時，刪減咗廣州閏號中嘅「aam、on、ong」三個符號。韻尾「-m、-n、-ng」嘅寫法由「ㆬ、ㄣ、ㄥ」改爲「ㄇ̣、ㄋ̣、ㄫ̣」。鼻音獨立韻改爲「ㄇ」同「ㄫ」，棄用「ㆬ」同「ㆭ」。「jung（/jʊŋ/）」亦改做「ㄧㄨㄫ」，視爲屬於「ung」韻，棄用民國政府方案嘅「ㄩㄥ」。方案包含17個聲母符號、16個韻母符號（冇計算用喺韻尾嘅「ㄇ̣、ㄋ̣、ㄫ̣、ㄆ̣、ㄊ̣、ㄎ̣」），共33個符號。
綜合嚟講，人民政府方案主要建基於趙雅庭方案，不過喺民國政府方案度吸收咗「」嚟代表「a」元音，唔使用「ㄜ」字。同時亦都統一用「」同「」嚟表示聲母「gw」、「kw」，唔再混雜「ㄍㄨ、ㄎㄨ」的寫法。爲咗令韻尾清晰，人民政府方案喺韻尾下加上附點（本條目因排版技術問題，無法加上附點，改以縮小字元顯示）。
近代
中國政府之後推行漢語拼音，而且後來出現各種粵語拉丁化方案，直至21世紀，粵語注音已經幾乎冇人用。
同時，由於Unicode並未收錄部分粵語注音符號，所以冇得喺電腦度輸入。不過有民間愛好者借用Unicode已收錄嘅台語注音符號、日語片假名等嘅符號，嚟拼成完整嘅粵語注音。2020年3月推出嘅Unicode 13.0版本，終於補足咗人民政府方案嘅粵語注音符號，用戶唔使再搵其他符號借代。
Remove ads
粵語注音符號系統
注音符號表
由於Unicode收錄唔齊全，符號表以圖檔爲準。若果Unicode收咗，就加喺圖檔右旁；若果Unicode未收，就淨係顯示圖檔。
民國政府時期
- 「ㄧ」直書時寫做「
」，橫書時寫做「
」。
人民政府時期
- 「ㄧ」直書時寫做「」，橫書時寫做「」。
- 韻尾嘅「ㄇ̣、ㄋ̣、ㄫ̣、ㄆ̣、ㄊ̣、ㄎ̣」係喺正常大細嘅注音符號（ㄇ、ㄋ、ㄫ、ㄆ、ㄊ、ㄎ）下面加一點，標示佢係韻尾。
聲母表
漢字嘅粵語註音，由聲母、韻母、聲調三者組合而成。具體方案睇下面三個表。
韻母表
- 「eu、em、en、ep、et」係口頭語音，喺傳統讀書音入面並唔存在。原方案冇呢個音，而家按照佢嘅體系類推。
- 「jung」係「j」聲母同「ung」韻母嘅組合，但喺國民政府嗰陣，唔寫成「ㄧㄨㄥ」而寫做「ㄩㄥ」。
聲調
注音符號總表指，聲調可以唔標註，如果必須標注時可以用下列方法，標喺末尾符號的嘅上角。
Remove ads
範例
1932年注音符號總表廣州閏號分表範例語句
（註：爲排版之便，「、、、」借用形似嘅「￥、ㄗ、ㄘ、ㄙ」表示。）
1950年代廣東省人民政府文教廳粵語注音方案
電腦支援
目前Unicode支援下列注音符號：
| 注音符號 Bopomofo[1][2] Unicode Consortium官方代碼表（PDF） | ||||||||||||||||
| 0 | 1 | 2 | 3 | 4 | 5 | 6 | 7 | 8 | 9 | A | B | C | D | E | F | |
| U+310x | ㄅ | ㄆ | ㄇ | ㄈ | ㄉ | ㄊ | ㄋ | ㄌ | ㄍ | ㄎ | ㄏ | |||||
| U+311x | ㄐ | ㄑ | ㄒ | ㄓ | ㄔ | ㄕ | ㄖ | ㄗ | ㄘ | ㄙ | ㄚ | ㄛ | ㄜ | ㄝ | ㄞ | ㄟ |
| U+312x | ㄠ | ㄡ | ㄢ | ㄣ | ㄤ | ㄥ | ㄦ | ㄧ | ㄨ | ㄩ | ㄪ | ㄫ | ㄬ | ㄭ | ㄮ | ㄯ |
| 註釋 | ||||||||||||||||
| 注音符號擴充 Bopomofo Extended[1][2] Unicode Consortium官方代码表（PDF） | ||||||||||||||||
| 0 | 1 | 2 | 3 | 4 | 5 | 6 | 7 | 8 | 9 | A | B | C | D | E | F | |
| U+31Ax | ㆠ | ㆡ | ㆢ | ㆣ | ㆤ | ㆥ | ㆦ | ㆧ | ㆨ | ㆩ | ㆪ | ㆫ | ㆬ | ㆭ | ㆮ | ㆯ |
| U+31Bx | ㆰ | ㆱ | ㆲ | ㆳ | ㆴ | ㆵ | ㆶ | ㆷ | ㆸ | ㆹ | ㆺ | ㆻ | ㆼ | ㆽ | ㆾ | ㆿ |
| 註釋 | ||||||||||||||||
字型支援
早期字元替代
起初Unicode並未收錄部份粵語注音符號，只有官話用嘅注音符號。1999年9月，3.0版增加咗台灣方音符號；2010年10月，加埋注音字母苗文都仲未加粵語注音符號，缺乏對粵語嘅支援。直至2019年4月，由陳永聰（Eiso Chan）同內木一郎等人倡議[1]，而且得到恆今基金會PanLex計劃嘅Ben Yang和議[2]之後，Unicode喺2020年3月推出嘅13.0版終於補足番人民政府完整嘅粵語注音符號，呢個時候先至有上面個表排最尾嗰幾個字元「ㆻ、、、、」。而國民政府方案嘅「、、、」，目前仲未收錄。
所以，喺Unicode 13.0版之前，用戶一直無法喺電腦度輸入完整嘅粵語注音。不過有民間愛好者借用Unicode已收錄嘅台語注音符號、日語片假名甚至其他符號，嚟拼成完整嘅粵語注音。有啲甚至改動咗原方案嘅一部份。其中一啲做法如：
- 「
」借用形似嘅日語片假名「ハ」表示。而家Unicode已經增收「ㆿ（U+31BF）」，可以直接標示，唔使用其他符號借代。 - 「
」或「
」借用形似嘅貨幣符號「￥」、數學符號「⩝」、日語片假名「サ」甚至漢字「廿」來表示，或假借粵語用唔着嘅「ㄜ」。有啲方案仲會區分「oe」同「eo」，例如以「サ」嚟表示前者，以「￥」或「廿」嚟表示後者。而家Unicode已經增收「ㆾ（U+31BE）」，後者可以直接標示，唔使用其他符號借代。 - 「
、
、
」借用「ㄗ、ㄘ、ㄙ」表示。 - 「
」借用同音嘅台語注音符號「ㆰ」表示。 - 「
」借用漢字「干」嚟表示。 - 「
」借用同音嘅台語注音符號「ㆲ」、垂直符號「⊥」，甚至漢字「丄」嚟表示。 - 入聲韻尾無論係「ㄅ、ㄉ、ㄍ」定係「ㄆ、ㄊ、ㄎ」都借用「ㆴ、ㆵ、ㆶ」表示。呢三個Unicode碼位嘅原意係收錄前者，但因爲Unicode作業錯誤，令本來要畀「ㄍ」嘅碼位，變成咗「ㄎ」嘅形狀。而家Unicode已經增收「ㄍ（U+31BB）」，所以可以用「ㆴ、ㆵ、ㆻ」嚟表示。
- 「
」倒退番去民國政府時期寫法「ㄍㄨ」，或者假借粵語唔用嘅「ㄓ」，甚至漢字「广」或者「巛」嚟表示。而家Unicode已經增收「ㆼ（U+31BC）」，可以直接標示，唔使用其他符號借代。 - 「
」倒退番去民國政府時期寫法「ㄎㄨ」，或者假借粵語唔用嘅「ㄔ」，甚至漢字「亏」嚟表示。而家Unicode已經增收「ㆽ（U+31BD）」，可以直接標示，唔使用其他符號借代。
部份適應電腦方案對照
呢個對照表裏列出一部份適應Unicode嘅方案[3]，並附上國民同人民政府時期原方案、國際音標、粵拼做對照。
聲母
韻母
聲調
Remove ads
參考
- 趙雅庭：《民眾識字粵語拼音字彙》，廣州：廣州神州國光社，1931年。
- 國語統一籌備委員會：《注音符號總表》，北平：國語統一籌備委員會，1932年4月。
- 廣東省人民政府文敎廳：《廣州音農民速成識字課本》，廣州：華南人民出版社，1952年8月。
- 廣東省人民政府文敎廳：《廣州音職工速成識字課本》，廣州：華南人民出版社，1952年11月。
- 中國文字改革研究委員會秘書處拼音方案工作組：《全國主要方言區方音對照表》，中華書局，1954年12月。
- 馮田獵：《粵語同音字典》，香港：東聯學供社，1974年。
註
睇埋
Wikiwand - on
Seamless Wikipedia browsing. On steroids.
Remove ads