終端用家

終端用家（英文：end user ）係指最後要用件產品嘅用家。佢哋唔似得編程員等嘅人員，唔會負責做維修同技術支援嘅人員，通常都係運用產品嘅圖像用家介面嚟完成特定嘅工作。喺人機互動同產品設計等嘅領域入面，工作者有必要理解終端用家有咩需求，係確保產品成功嘅首要任務。^[1][2]

呢幅相影到有個人喺度用電腦。

了解用家

睇埋：用家體驗設計

要設計出有用同埋易用嘅產品，就必須要徹底了解終端用家嘅使用習慣。喺用家體驗設計等嘅領域入便，設計者時常會做訪問研究，透過直接同用家傾計，設計者可以深入探究佢哋想要啲乜、使用嘅動機同埋實際操作嗰陣係點嘅情況，遠遠超過單純觀察數據所能提供嘅資訊。

做軟件工程成日都會講軟件需求，講緊要探討用家想要隻軟件係點。

創造內容

内文：用家創造內容

終端用家嘅角色並唔淨只係被動噉使用產品，佢哋亦可以成為積極嘅內容創造者。一個明顯嘅例子就係視像遊戲嘅遊戲改檔。

睇埋

• 人機互動
• 產品設計
• 創新