實驗經濟學

實驗經濟學（粵音：sat6 jim6 ging1 zai3 hok6）係指運用實驗方法嚟研究經濟學嘅一個領域－相對於打前嘅經濟學以經濟紀錄做主導數據。

諗頭

睇埋：實驗同因果關係

喺最嚴格嘅科學基準嚟講，齋靠觀察（廿世紀社科依賴嘅研究方法）頂櫳淨係可以搵得出事物之間嘅相關（correlation；簡單講就係正比同反比），噉係因為當一個研究者觀察到（例如）${\displaystyle A}$ 同 ${\displaystyle B}$ 硬係一齊出現（正比），噉依然有三個可能性：

1. ${\displaystyle A}$ 引致 ${\displaystyle B}$、
2. ${\displaystyle B}$ 引致 ${\displaystyle A}$、
3. ${\displaystyle A}$ 同 ${\displaystyle B}$ 有同一個成因。可以睇埋相關唔蘊含因果^[1]。

喺科學上，要搵出事物之間嘅因果關係，就實要靠實驗嘅方法：實驗係指研究者特登操作某啲變數，再睇吓個操作會造成乜嘢效果，例如「如果佢特登操作 ${\displaystyle A}$，就會見到 ${\displaystyle B}$ 跟住出現，而如果佢唔特登操作 ${\displaystyle A}$，${\displaystyle B}$ 就唔會跟住出現」，佢就有理由相信 ${\displaystyle A}$ 真係能夠引致 ${\displaystyle B}$。因為廿世紀嘅經濟學好多時都係齋靠觀察，所以成日俾人詬病話佢哋唔能夠確立唔同經濟現象之間嘅因果關係^[2][3]。

一個股票市場嘅相；如果有個經濟學家想喺度做一個有關「股價勁跌會引致啲乜嘢後果」嘅實驗研究，啲人會唔會睬佢？可以睇吓虛擬經濟。

做法

實驗通常都係喺高度受控嘅實驗室入面做嘅，研究者會搵啲受試者返嚟，做一啲操作，再俾啲受試者做一啲經濟作業，睇吓操作會點樣影響受試者喺經濟作業上嘅表現。但係有唔少學者都嫌呢啲實驗環境太過人工化，唔夠自然，所以有研究者會做實地實驗，即係喺現實環境入面做操作以及睇吓個操作會造成乜嘢結果^[4][5]，又或者係自然實驗，指個操作係由研究者以外嘅力量所施加嘅（例如係研究自然災難造成嘅經濟行為改變噉）^[6]。

睇埋

• 經濟測量學
• 行為經濟學
• 檔案研究
• 博弈論