羅塞塔石碑

羅塞sak1塔石碑（參見英文：Rosetta Stone）係塊1799年喺埃及尼羅河三角洲附近嘅羅塞塔出土嘅石碑，經研究發現係公元前196年製作，刻咗古埃及法老托勒密五世嘅詔書，皆因佢刻有聖書體、世俗體同古希臘文三種文字，頭兩種文字一早就失傳咗，所以可以憑住石碑解讀返其中一啲文字，係相當重大嘅考古發現。

羅塞塔石碑

背景

學界好耐以前就知道古埃及語嘅存在，但係一路都無法解讀呢種語言；一七九九年，法國士兵跟住拿破崙去埃及遠征，發現羅塞塔石碑，塊石碑上便寫咗法老王托勒密五世^[1]下嘅旨，而且用咗三種文字兩種語言寫——（由上至下）用聖書體寫嘅古埃及語、用世俗體寫嘅古埃及語、以及係用希臘字寫嘅古希臘語^[2]；由於當時嘅學者已經解讀咗古希臘語，靠住羅塞塔石碑，佢哋可以以古希臘語做起點，學識少量嘅古埃及語字詞，再推測其他古埃及文文獻上面寫嘅內容係乜。

特色

羅塞塔石碑係由一班生活喺埃及托勒密王朝時代嘅祭司製作，用嚟紀念當時嘅法老——年僅十三歲嘅托勒密五世加冕一週年。石碑上嘅內容，主要係宣示托勒密五世自父親托勒密四世繼承王位係正統，同埋記錄佢做過嘅諸多善政，好似減稅、喺神廟豎立雕像等等，顯示出佢對神廟同祭司群體嘅大力支持。

睇埋

• 對等文本
• 語言資源
• 翻譯