習明澤

習明澤（1992年6月25號—），化名「楚晨」^[1]，小名「小木子」^[2]，中國共產黨現任中央委員會總書記習近平^[3]同歌唱家彭麗媛嘅獨生女^[4][5]。

習明澤
出世	(1992-06-25) 1992年6月25號（33歲） 中國福建
國籍	中華人民共和國
母校	杭州外國語學校 美國哈佛大學
親屬	習近平（老豆） 彭麗媛（老母） 盧洪峰（老公）[未記出處或冇根據]

生平

習明澤1992年喺福建出世，個名係阿爺習仲勳改嘅^[6]。

2006年至2008年期間，喺杭州外國語學校學法文^[2]。

2008年汶川大地震嗰陣以志願者嘅身份去四川綿竹嘅漢旺東汽小學，做咗7日參與搶救傷者、心理輔導嘅慈善義工^[6][2][7]。

2009年8月，習明澤入咗浙江大學外國語學院同聲翻譯專業。曾經有媒體根據「網上傳言」報道，習明澤喺2010年5月去咗美國哈佛大學讀本科^[8][9]，而且哈佛大學有一個名叫David嘅老師透露，有中國派去嘅保鏢24小時保護習明澤，美國聯邦調查局亦加派人手暗中保護^[10][11]。習明澤喺美國期間用假名，而且非常低調，同薄熙來個仔薄瓜瓜形成鮮明對比。習明澤唔用Facebook等外國社交網絡^[12]。

2021年5月12號，作家老燈經推特話習明澤已經結婚，老公叫盧洪峰，係個離過婚個大陸人，之前喺美國幾間領頭金融公司做過高層，後來走翻大陸自己搞生意，官方無評論消息真偽。^[13]