耿斯漢
中國男歌手 From Wikipedia, the free encyclopedia
Remove ads
耿斯漢（粵拼：gang2 si1 hon3；簡化字：耿斯汉；英文：Geng Sihan；1993年2月26號—[2]），係中國大陸搖滾歌手，尋路者樂隊主唱，而家嘅經紀公司係華研國際音樂。2014年，佢參加浙江衛視音樂選秀節目《中國好聲音》第三季而出道。2017年，佢以「素人歌手」身份參加東方衛視《天籟之戰》第二季，並攞到嗰季嘅總冠軍。
Remove ads
經歷
早年
佢喺江蘇徐州嘅小康家庭出世[3]，小學同初中分別喺徐州市民主路小學同徐州市擷秀初級中學讀書，佢喺學習上成績好好[4]，並喺2007年嘅徐州中考以650分嘅成績考入徐州市第三中學[5]。喺徐州三中學習期間，佢攞到學校嘅2010年校園十大歌手比賽第一名[6]。
佢自細鍾意音樂，6歲時開始學聲樂同長笛[4]。小學三年班時，佢鍾意咗搖滾；高中時，佢對搖滾樂癡迷到上課時間總係喺聽歌嘅地步，咁令佢高中時期學習成績下滑，產生厭學情緒[4][7]，仲導致佢阿爸幫佢搞休學手續令佢「冷靜一下」[5]。2007年11月，佢屋企人拜訪江蘇師範大學嘅老師劉雙，希望佢阻止到佢做音樂嘅夢想，但佢嘅演唱表現反而被老師賞識，而佢都喺老師嘅開導返返學校繼續讀書；冇耐，佢喺劉雙嘅安排下參加咗一節選秀節目喺徐州搞嘅海選，並進入複賽，令佢屋企人對佢音樂道路有咗信心[5]。
高二時，佢正式開始進行系統性嘅聲樂訓練，輔導教師係南京藝術學院嘅張丹丹[5]。2011年，佢參加普通高等學校藝術類專業招生統一考試，並以高出錄取分數線80幾分嘅成績被南京藝術學院、四川音樂學院同大連藝術學院收咗；最終，佢揀去讀南京藝術學院，跟張丹丹學嘢[4]。另外，喺高中同大學期間，由於屋企人未有畀佢零用錢，因此佢透過喺五台山、隨園等地嘅酒吧做駐唱歌手[3]。
演藝經歷
2012年，佢報名參加《中國好聲音》第一季嘅海選，但最終落選[8]。2013年，佢參加第九屆中國音樂金鐘獎流行音樂大賽，並攞到「全國百強歌手」嘅稱號[5]。
2014年，佢喺張丹丹嘅推薦下再次參加《中國好聲音》第三季，並通過海選[9]。佢喺盲選階段唱汪峰嘅歌曲《美麗世界的孤兒》，攞到所有評審轉身同汪峰嘅好大肯定，並最終選擇加入汪峰戰隊[10]。之後，佢喺「導師考核」階段分別唱汪峰嘅《春天裏》同《我真的需要》[11][12]，做咗汪峰戰隊首個4強（全國16強）學員[13]。而喺「導師混戰」階段，佢唱指南針樂隊嘅《愛著誰》[14]，但最終輸畀帕爾哈提，所以出局[15]。期間，佢喺8月2號接受邀請喺內場第一排睇汪峰「峰暴來臨」超級巡回演唱會北京站[16]，並喺9號同張碧晨、開開等學員一齊出席節目組喺南京搞嘅觀眾見面會[17]。9月29號，佢出席徐州市公安局文藝創作匯演暨「青奧、省運」安保慰問演出，唱《我愛你，中國》[18]。11月3號，同《中國好聲音》第二季學員劉籽辰一齊張丹丹喺南京藝術學院實驗劇場搞嘅「從教十年師生音樂會」[19]。6號，同《中國好聲音》第三季嘅部分學員一齊參加第九屆中國（浙江）電視觀眾節嘅主題晚會表演[20]。9號，同李嘉格、秦宇子一齊出席廣州搞嘅「華為麥芒3中國好聲音巡回簽售會」[21]。17號，同魏然、陳冰、丁丁一齊出席中國郵政杭州市分公司搞嘅「中國好聲音郵品，中國郵政杭州首發」活動，並為印有自己嘅相同卡通形象嘅郵政明信片代言[22]。27號，同梁棟江喺北京出席「點亮紅絲帶，青春零艾滋」主題公益活動[23]。12月13號，同歐豪、李菲兒等一齊參與「熱波電跑」深圳站活動[24]。
2015年1月11號，佢同《中國好聲音3》嘅部分學員出席第三季中國好聲音巡回演唱會喺深圳搞嘅宣傳活動[25]，並喺2月7號參演巡回演唱會深圳站嘅演出[26]。1月26號，佢喺上海出席第一屆亞洲影響力東方盛典，並攞到「年度最具潛力新人獎」[27]。3月28號，喺廈門做2014金票根影迷嘉年華圓夢盛典嘅表演嘉賓[28]。4月10號，喺重慶出席「Fashion Power時尚影響力」2015風尚盛典[29]，並攞到「年度風尚新聲力量獎」[30]。5月14號，同魏然、張欣奕喺南京師範大學出席「中國好聲音2015推介會·新飛健康音樂行」簽約啟動儀式[31]。6月，參與《中國好聲音》寶島校園行南線巡回演出[32]。之後，佢參加江西衛視音樂節目《超級歌單》，唱咗趙傳嘅《我很醜，可是我很溫柔》、張學友嘅《我等到花兒也謝了》同蘇聯歌曲《啊朋友再見》[33][34]。7月25號，佢參加咗第十二屆濟南青島啤酒節嘅開幕式表演[35]。8月1號，同鄭興琦喺常州做「敢·玩不羈」2015虎牌樂隊龍虎榜華東賽區首場比賽嘅表演嘉賓，表演原創歌曲《大海》[36]。嗰個月嘅月中，佢喺上海參與「明星送貨到你家」活動，做咗一日快遞員[37]。9月8號，做帕爾哈提「世紀搖滾——2015帕爾哈提與德國全明星樂隊世界巡回演唱會」南京站嘅特邀表演嘉賓[38]。月尾，佢同李嘉格、張鑫鑫一齊喺上海出席《中國好聲音4》總決賽入圍學員嘅拉票活動[39]。10月頭，參加喺徐州潘安湖國家濕地公園搞嘅2015噠鳥國際音樂節[40]。11號，同李嘉格、由美一齊喺嘉興參演「世合田園生活藝術季暨《南湖晚報》創刊20周年群星演唱會」[41]。30號，佢同佢夾嘅尋路者樂隊在徐州人民舞台搞咗「心途」演唱會，呢個係佢首次搞個人演唱會；而佢喺嗰次演唱會唱咗嗰個月出嘅原創歌曲《一夜成名》[6]。12月31號，佢參演珠海2016跨年音樂焰火派對[42]。
2016年1月28號，佢同陳樂基、徐劍秋等《中國好聲音》學員一齊出席奧園地產成立20周年「好聲音」群星盛典[43]。3月12號，喺佛山參演「O3青年聯合體佛山群星演唱會」[44]。6月10號，參與蘇州樂園夏季藍色狂歡季端午音樂節嘅表演[45]。7月16號，同尋路者樂隊一齊參加喺徐州樂園搞嘅徐州市首屆伏羊音樂節[46]。8月9號，喺北京出席FIIL Diva無線智能耳機發佈會[47]。27號，佢同部分都係《中國好聲音》汪峰戰隊嘅歌手參演銀河國際居住區·蘭州音樂節[48]。9月3號至4號，喺南京參加江蘇音樂廣播第三屆咪豆音樂節[49]。10月22號至23號，喺濟寧參演2016聖地智谷音樂節[50]。12月13號，喺貴陽參演2016青巖音樂節[51]。2017年4月30號，佢再喺南京參加江蘇音樂廣播第四屆咪豆音樂節[52]。5月23號，被邀請返到母校徐州市第三中學，同高二學生做咗交流答謝活動[53]。7月尾，同蘇紫旭喺常州「青春文藝公社」做咗禮拜六日嘅演出[54]。9月8號，喺南通搞《潛望世界》專輯嘅簽售會[55]。10月30號，佢被徐州市腫瘤醫院請做乳腺科「乳康之家」愛心大使[56]。
2017年11月，佢以「素人歌手」身份參演東方衛視音樂節目《天籟之戰》第二季[57]，以一贏一輸嘅成績攞咗半決賽參賽資格[58]。喺半決賽，佢同張杰一齊唱《好想大聲說愛你》，並晉級總決賽[59]。最終，佢以《渺小》同《禮物》等兩首歌攞咗嗰季節目嘅總冠軍[60]。而喺節目完咗後，佢喺2018年1月14號出《二十歲的神》單曲[30]。8月18號，參演徐州蘇寧廣場「818發燒音樂節」[61]。2019年頭，佢報名參加湖南衛視《歌手2019》第二輪「全民舉薦踢館歌手」票選活動，但最終輸畀錢正昊，所以冇入選到[62]；但喺同年3月，做波琳娜喺《歌手2019》金典歌王衝刺夜嘅助演嘉賓，合唱《Shallow》[63]。6月14號，喺徐州音樂廳出席「歌唱祖國·一首歌一座城——《難忘徐州》新歌發布會」，係首歌嘅首唱歌手[64]。11月，佢以「踢館大魔王」身份參加ETtoday新聞雲《聲林之王2》，唱楊乃文嘅《不要告別》，但踢館失敗[65]。
2020年2月26號，佢為徐州市抗擊武漢肺炎大爆發工作寫咗首叫《待到山花爛漫時》嘅歌[66]，首歌喺3月頭發佈[67]。3月，佢參演湖南衛視《歌手·當打之年》為抗疫歌曲《堅信愛會贏》整咗音樂影片[68]。同月，加盟湖南衛視《歌手·當打之年》，喺第四輪淘汰賽憑住《鼓樓先生》奇襲吉克雋逸獲勝，並喺終極對決輸咗畀聲入人心男團遭到淘汰，攞唔到正式補位資格[1]，之後喺突圍賽演唱《你的一生我只借一晚》喺組內對決輸咗畀旅行團樂隊直接遭到淘汰。佢喺同年4月24號參加咗南京市浦口區第一屆老山國際文化旅遊節開幕禮嘅表演[69]。5月10號，參演由高曉松策劃嘅「相信未來」在線義演嘅「未來有約專場」嘅演出[70]。6月23號，佢出咗單曲《沒有關係》，係佢加入華研國際音樂後嘅第一隻單曲[71]。10月1號，同翁大涵、李思源等人一齊參與2020年美麗廣陵「李杜白」音樂生活節草坪音樂會[72]。11月26號，出咗單曲《愛過痛過浪費過》[73]。
Remove ads
音樂作品
單曲
- 跟尋路者樂隊出嘅單曲
- 個人單曲
演唱會
Remove ads
綜藝節目
《中國好聲音》第三季
《超級歌單》
《天籟之戰》第二季
《聲林之王》第二季
《歌手·當打之年》
2020年3月，加盟湖南衛視《歌手·當打之年》，喺第四輪淘汰賽憑住《鼓樓先生》奇襲吉克雋逸獲勝，並喺終極對決輸咗畀聲入人心男團遭到淘汰，攞唔到正式補位資格，之後喺突圍賽演唱《你的一生我只借一晚》喺組內對決輸咗畀旅行團樂隊直接遭到淘汰。
歌手·當打之年 耿斯漢競演排名 | |||||||||
| 期數 | 輪數 | 播出日期 | 演唱歌曲 | 原唱 | 歌曲介紹 | 排名 | 得票率 | 出場序 | 備註 |
| 全碟編曲：黃 毅 | |||||||||
| 8 | 第四輪淘汰賽 | 3月27號 | 《鼓樓先生》 | 王梵瑞 | 詞／曲：王梵瑞 | 奇襲獲勝 終極對決淘汰 | 8 | — | |
| 11 | 突圍賽 | 4月17號 | 《你的一生我只借一晚》 | 吳 遙 | 詞：木 木、洛 兵 曲：洛 兵 | 組內失敗 | 3 | 突圍失敗 | |
其他節目
屋企
參考
出面網頁
Wikiwand - on
Seamless Wikipedia browsing. On steroids.
Remove ads