股票

股票gu2 piu3係一間公司集資嘅方法，靠發售股份來得到資金。股票其實係一種擁有股份嘅憑證，係證券嘅一種。

基礎

睇埋：投資同資金

喺一個有咁上下健康嘅經濟體當中，啲人應該會做生產；不過要搞生意做生產，好多時都要使好多錢－生產者要買物資用嚟做生產^{[註 1]}，又要請人幫手做嘢... 呀噉；有志創業嘅人可以同自己嘅公司做招股上市，即係向股市嘅投資者公開噉賣自己間公司嘅股票；揸住啲股票嘅人算係間公司嘅擁有者，間公司賺到錢佢哋可以有份分，所以成件事對買賣雙方嚟講都可以好著數^[1]－

• 對於賣股票嗰方，賣到自己啲股票，佢就可以籌集到做生意要用嘅資金；
• 對於買股票嗰方，（假設佢眼光夠好）買到「第時會勁升」嘅公司嘅股票，佢將來就有可能會賺到好多錢；

而响廿一世紀初嘅世界，股市仲會涉及埋好多買家同賣家以外嘅人，包括咗－

• 理財計劃師等嘅專業人士；
• 政府人員又會介入股市嘅事務。

風險

買股票有一定嘅風險：想像小明使咗筆錢，買 A 公司呢間新創企業嘅股票，打後 A 公司盤生意唔掂，搞到破產收場，小明手上揸住嘅股票就會變到冇晒價值—佢盤投資咩都冇得淨；相比之下，（例如）黃金可以攞嚟整好多嘢—包括係金幣、首飾同電子元件等嘅物品係人類社會一路都需要嘅；而噉亦表示，人類社會對黃金永遠梗會有股需求，永遠有需求就表示個價低極有限；另一方面，黃金嘅供應比較穩定，唔似得（例如）銀紙噉政府話印就印。需求同供應都相對穩定，就表示市場價值都會有返咁上下穩定—因此，揸黃金難有大損失，呢種噉嘅穩定性股票難以得到，除非揸嘅係大型企業嘅股票。

歷史

荷屬東印度公司響1623年發行嘅股票

第一間發股份嘅公司係荷屬東印度公司，響1602年。

响 2020 年尾，全球公開噉畀人買賣嘅證券嘅市值據估計成大約 93.7 T 美金，當中 1 T = 10¹²－咁多^[2]。

都睇吓

• 證券行
• 股市
• 泡沫

註釋

1. 可以睇吓固定資本嘅概念。