花生

花生（粵拼：faa1 sang1；學名：Arachis hypogaea），又叫落花生（lok6 faa1 sang1），重有時叫花生荳（faa1 sang1 dau6*2），係豆科花生屬嘅一年生草本植物，原產南美洲同中美洲嘅巴西到秘魯一帶^[1]。佢開花結果後會插入地熟，落花而生。花生可以種來食，所以世界好多地方都有種，其中中國既係最大出產地，又係中國嘅一種四大油料作物。

How to read a taxobox 花生
1897年一本植物插圖描繪嘅花生
物種分類
域(Domain): 真核域 Eukarya 界 植物界 Plantae 門 被子植物門 Magnoliophyta 綱 雙子葉植物綱 Magnoliopsida 目 豆目 Fabales 科 豆科 Fabaceae 亞科 蝶形花亞科 Faboideae 屬 花生屬 Arachis 種 花生 A. hypogaea
二元學名
Arachis hypogaea L.

呢種植物重係咁多陸上植物當中，唯一一種喺地上開花，地下結果嘅植物。

名

落花生

呢種植物由於喺地上開花，地下結果，加上一定要喺好黑嘅地下環境入面先至可以生到花生出嚟，所以「落花生」嘅名就係噉嚟。

花生荳

花生因為係荳，所以有時都會叫「花生荳」。

全球各地唔同嘅名

花生喺唔同國家嘅語言入面，甚至係喺古代都有唔同嘅嗌法。以下係唔同國家語言嘅唔同嗌法：

語言	嗌法
简体中文	花生
繁體中文	花生
粵語	花生
文言文	落花生／長生果
[[英文|English]]	peanut
[[日文|日本語]]	ラッカセイ
[[波斯文|فارسی]]	بادام زمینی
[[阿剌伯文|العربية]]	فول سوداني
[[法文|Français]]	arachide
[[西班牙文|Español]]	cacahuate／mani
[[土耳其文|Türkçe]]	yer fıstığı
[[葡萄牙文|Português]]	amendoim
[[月即別文|Oʻzbekcha]]	yeryongʻoq
[[印地文|हिन्दी]]	मूँगफली
[[俄文|Русский]]	арахис культурный
[[烏克蘭文|Українська]]	арахіс_культурний
[[波蘭文|Polski]]	arbuz
[[古吉拉特文|ગુજરાતી]]	મગફળી
[[韓文|한국어]]	땅콩
[[卡納達文|ಕನ್ನಡ]]	ಕಡಲೇಕಾಯಿ
[[印尼文|Bahasa Indonesia]]	Kacang tanah
[[越南文|Tiếng Việt]]	Lạc
[[馬拉他林文|മലയാളം]]	നിലക്കടല
[[閩南話|Bân-lâm-gú／閩南話]]	塗豆／thô͘-tāu

花生嘅外形

佢一般有30—50厘米高。葉係對生，一個梗（kwaːŋ˨˥；kwaang3）有四嚿葉，其中一對響個梗尖。葉長1—7厘米，闊1—3厘米。花同其他荳花類似，一般係單生或簇生品種，2—4厘米大。花係黃帶紅脈。其中，單生嘅品種係生喺樹杈頂，呢啲花一般唔結果；但係簇生品種嘅可以結果，一般生喺樹枝下邊，喺佢受咗花粉後會生實，變成一到四粒種子嘅莢荳，生到三到七厘米長，最後插入到等熟。

發現史

其實早喺1492年，哥倫布發現咗新大陸之後，花生就傳到世界各地。佢最先嚟到非洲嘅畿內亞，跟住由葡萄牙人將佢帶到歐亞板塊嗰帶^[2][3]。

用途

花生嘅核除咗可以用嚟就噉食，亦可以整成好多品種嘅食品（例如花生餅、花生仁、花生餅乾、花生醬、花生牛奶……）同油，喺植物油入面，花生油嘅品質係最好嘅。另外，花生衣有止血素，可以用嚟縮短凝血時間。

營養價值

花生嘅營養價值都好犀利下，其中佢粒核有50—58%脂肪，30%蛋白質，而且佢啲油氣比較清香。但係，食得太多會痴肥。

藥用價值

另外，花生喺藥用方面，佢有和胃同潤肺嘅功效。

唔好嘅因素

睇埋：黃曲霉素

雖然花生係有好多營養價值，但佢重有負面嘅因素：

1. 如估食得太多花生嘅話，好容易食滯，講得大劑啲，可以搞到連續幾日肚疴^[4]。
2. 喺潮濕嘅環境入面儲存嘅話，會生黃曲霉素，而黃曲霉素可以搞到人同動物生癌^[5]。

文化同經濟

SNOOPY漫畫

内文：花生漫畫

喺美國，從1950年代開始一直賣到2000年初嘅「花生」漫畫，由於嗰本嘢係嗰時漫畫界史入面，第一部有好多角色系列嘅漫畫，結果喺美國街頭好多人睇，喺全世界都好出名。

香港，全球第一花生產量國

花生喺中國內地嘅生產量喺全球嚟講係出嗮名嘅。如估按全球產量嚟講，喺2012年曾經以1670萬噸嘅生產量排全球第一，幾乎霸咗成個地球嘅一半生產量^[6]。尤其係山東嗰邊，佢係出油第一大省，幾乎霸咗⅓嘅中國內地嘅出油量。

俗語

喺臺灣，由於花生成日喺地下結果，所以嗰頭有句「頂開花，下結籽」嘅俗語^[7]。另外，喺粵語區入面，重有句「剝花生」嘅俗語。

相

植物形態

葉 葉  花 花  花生喺落咗花之後，直接喺地底度出果。張相左邊嗰樖嘢係花生準備出果嗰時。 花生喺落咗花之後，直接喺地底度出果。張相左邊嗰樖嘢係花生準備出果嗰時。  花生出果嘅部位 花生出果嘅部位  未搣殼之前嘅果 未搣殼之前嘅果  搣咗殼之後未搣衣之前嘅果 搣咗殼之後未搣衣之前嘅果  搣咗殼又搣埋衣嘅果 搣咗殼又搣埋衣嘅果  花生都有白殼嘅品種 花生都有白殼嘅品種  盆栽花生 盆栽花生

用途

花生醬 花生醬  花生油 花生油  花生糖 花生糖  烤花生 烤花生  炸花生 炸花生  煮花生 煮花生  花生、腰果、M&M's、葡萄乾，杏仁。一般喺過大節嗰時請人客食 花生、腰果、M&M's、葡萄乾，杏仁。一般喺過大節嗰時請人客食

經濟

喺湖北街頭搞嘅花生販賣站 喺湖北街頭搞嘅花生販賣站  喺非洲某個街頭賣嘅花生 喺非洲某個街頭賣嘅花生  印度一花生田 印度一花生田  日本一花生田（嗰時係花生已經收成，喺度曬緊嘅。） 日本一花生田（嗰時係花生已經收成，喺度曬緊嘅。）