華頂宮博忠王

佢響1902年出世，係博恭王第二個仔，上有大佬博義王，而佢個名「博忠」係由老豆博恭改嘅。

響1904年，原先係伏見宮繼承人嘅叔叔邦芳王身體轉差，而另一位叔叔昭德王又早死，於是老豆博恭王要以貞愛親王大仔嘅身份回歸伏見宮，就搞到要令當時只有兩歲嘅博忠王繼承華頂宮當主一位。佢早年入讀學習院初等科，同皇太子裕仁親王（即昭和天皇）係同級嘅。後嚟，佢先後升讀學習院中等科同埋海軍兵學校，響1921年畢業。

海軍兵學校畢業之後，佢畀人調去八雲號到當兵。響1922年，八雲號返回日本。同年，佢舉行成年禮（即象徵佢已經係大人，唔再係鈿路仔）。同月，佢升上做海軍少尉。而佢高185 cm，響當時嘅日本嚟講係好高^[1]。

1923年，佢入讀海軍砲術學校普通科，同年升讀海軍水雷學校普通科，響同年12月1號畢業。之後，佢畀人編去五十鈴艦。但係第二年三月，博忠王響船上開始發病，同月六號畀人緊急送去佐世保海軍醫院治療，同月19號畀人驗出佢患上咗腦膜炎，之後不治，終年廿二歲（不過佢嘅真正死亡日期好受人質疑，宮方話係3月24號，但有唔少人話佢係響3月19號死）。死後，佢畀人追封海軍中尉、大勲位同埋菊花大綬章，而喪禮就由細佬博信主持。響3月31號，佢正式落葬，葬響豐島岡墓地。

由於佢一生未婚，又冇仔女，所以華頂宮絕家。後嚟華頂宮當主一位由細佬博信繼承，但係就由華頂宮改做華頂侯爵家。

華頂宮博忠王

經歷

系譜

攷

Wikiwand - on