詞彙表

詞彙表ci4 wui6 biu2（英文：glossary）就係未能成書，只能成表嘅小型字典，目的係將相對小量嘅詞彙列嗮出來，再簡短咁定義每個字詞；例如跟住一本書或者一份文件嘅詞彙表可以將書或者文件入面嘅外來字或者其他讀者可能會唔熟悉嘅生字列嗮出嚟^[1]，又或者可以係獨立嘅一份文件，將一門學問入面嘅行話列嗮出嚟，等等。詞彙表可以畀讀者對相關內容喺主題上有一種粗略嘅了解^[2]。

因為詞彙表其實即係字典，佢嘅格式會係類似字典，所列出嘅字嘅排列次序亦都係跟字典，即係通常係用相關語言嘅正常順序排先後（例如係用字母順序或者筆劃順序）。