遊戲物管理委員會

 遊戲物管理委員會（粵拼：jau4 hei3 mat6 gun2 lei5 wai2 jyun4 wui2） （韓文：게임물관리위원회／게임物管理委員會 ^{Geimmul Gwalli Wiwonhoe}；英文：Game Rating and Administration Committee），簡稱GRAC，係南韓嘅政府部門組織，2006年10月29號考慮到電子遊戲出現鹹濕或血腥、暴力、嗌交、打交、粗口等一系列暴力嘅拗數而脫離映像物等級委員會成立^[1][2][3][4]，主要職責係監管啲電子遊戲嘅年紀同內容嘅分級。

佢屬下嘅分級有ALL、12、15、18呢4個帶色彩分級，每個級都有佢唔同嘅解釋。

屬下分級

撈稿	意思	幾時開始	底色	詳細解釋
	乜人都啱玩	2006年		入面啲嘢帶有教育性質或整出嘅角色或情感都對細路有益。唔單止冇任何反社會情節或褻瀆宗教，兼對話都要好有禮貌，相反唔畀有宣傳任何鹹濕、暴力、血腥及賭錢嘅行爲。
	建議畀12周歲及以上啲人玩	2006年		入面啲嘢雖然冇任何反社會情節，但係有些少內容涉及褻瀆宗教同埋鹹濕、暴力、血腥及賭錢嘅行爲，對12歲以下啲人會有情感或物理上嘅傷害。
	建議畀15周歲及以上啲人玩	2006年		入面啲嘢雖然冇任何反社會情節，但係內容有一定程度涉及褻瀆宗教同埋鹹濕、暴力、血腥及賭錢嘅行爲，對15歲以下啲人會有情感或物理上嘅傷害。尤其係賭錢行爲，會令人產生沉迷或依賴運氣。
	凈啱18周歲以上啲人玩	2006年		入面啲嘢會涉及反社會情節，內容唔單止有大量畫面同對話都涉及褻瀆宗教同埋鹹濕、暴力、血腥及賭錢嘅行爲，亦有畫面涉及炒作買賣嘅投機取巧行為嫌疑，對兒童或青少年會有情感或物理上嘅傷害。尤其係賭錢行爲，會令人產生沉迷或依賴運氣，不過唔會令個人財產出現得失情況。
	等緊審查	2006年		呢啲遊戲或軟件未接受個審查，需要等遊戲物管理委員會畀出分級先至得。唔理係等緊分級定發佈咗演示版都要噉做。
唔適用	唔畀上市	2006年		呢啲遊戲懷疑入面有好多有害成份，例如暴力、粗口、鹹濕、血腥畫面（是但一個）多到離嗮譜，好似睇三級片噉，而且無時無刻出現反社會情節。尤其係涉及賭錢嘅行爲，唔單止會令人產生沉迷或依賴運氣，相反會出現攞個人財產嚟做博彩性質 。或者個機帶有拒絕審查嘅案底。

除咗以上分級之外，GRAC重定咗啲内容撈稿嚟分清楚12、15、18級遊戲係涉及以下呢啲題材：

撈稿	涉及題材	對應分級
	不雅語言
	吸毒、啪丸、啪藥
	性行爲、鹹濕
	暴力、歧視、褻瀆
	賭錢
	犯罪題材
	恐怖、兇殺、血腥