大韓民國
東亞一國，喺朝鮮半島南半部，首都首爾 From Wikipedia, the free encyclopedia
Remove ads
.svg)
 |
大韓民國（粵拼：daai6 hon4 man4 gwok3；韓文：대한민국／大韓民國 Daehan Minguk）係一個位處東北亞朝鮮半島南端嘅國家。西南面係黃海，東南係朝鮮海峽，東邊畀韓國嘅東海（日本海）包圍。北面隔住非軍事區與朝鮮民主主義人民共和國對峙。本來同朝鮮民主主義人民共和國係同一個國家，但脫離日本殖民統治（1910－1945）同美國軍政管理（1945－1948）之後，大韓民國由原大韓民國臨時政府國會議長李承晚立國，同朝鮮民主主義人民共和國分庭抗禮。
大韓民國簡稱韓國（한국／韓國，Hanguk），但係為咗同朝鮮民主主義人民共和國區別，韓國人叫佢哋國家南韓（naam4 hon4；남한／南韓，Namhan）或韓國，而朝鮮民主主義人民共和國就叫「北韓」（북한）；朝鮮民主主義人民共和國人以前都係叫自己國家「朝鮮」（조선）或者「北朝鮮」（북조선），叫大韓民國南朝鮮（naam4 ciu4 sin1；남조선／南朝鮮，Namjoseon）。中華人民共和國未同韓國建交前，叫大韓民國「南朝鮮」，兩國建交之後，舊稱呼唔再用。香港同台灣嘅中華民國成日習叫大韓民國做「韓國」或者「南韓」。日本又習慣叫大韓民國做「韓國」（韓国⁄かんこく，Kankoku），不過而家國內啲韓國人有要求改用韓文發音，唔用日文發音。
1990年代，韓國嘅娛樂圈已經好發達，音樂、電視同埋電影無比成功。呢個現象叫做「韓流」。但係，韓國重保留佢哋古老傳統文化，尤其係敬祖同敬茶。
Remove ads
地理
内文：大韓民國嘅地理
大韓民國聲稱擁有整個朝鮮半島嘅領土，但實際上只管轄三八線以南同埋周邊島嶼。軍事分界線以北由朝鮮民主主義人民共和國（北韓）政府實際統治，但係喺大韓民國，佢哋用「北韓」[8]嚟形容北韓地區。
西邊面向黃海，東邊面向日本海，隔住大韓海峽（對馬海峽西部水道）同釜山相距大約50公里。全國土地面積係10萬0339平方公里[註 1]，差唔多係日本總面積37萬7961平方公里嘅四分之一（26%），大約係北海道本島面積7萬7984平方公里嘅1.26倍。國土主要由古期造山帶組成。
地震除咗從九州等日本傳過嚟嘅之外，幾乎冇發生過，所以可以比較平價咁起大廈，比獨立屋更受歡迎。完全冇活火山（雖然濟州島同鬱陵島係火山島，但已經唔活躍），不過有少量溫泉。
日韓之間有關於竹島（韓國叫獨島）嘅領土爭議，另外自1990年代以嚟，日本政府同韓國政府仲就日本海（韓國叫東海）嘅國際叫法有爭拗（參考：日本海叫法爭議、李承晚線）。
- 韓國嘅範圍
- 最北端（韓國政府實際控制嘅地區） - 江原特別自治道高城郡
- 最北端（韓國政府聲稱，北韓政府實際控制） - 咸鏡北道
- 最南端 - 馬羅島（濟州特別自治道西歸浦市）
- 最西端（韓國政府實際控制嘅地區） - 白翎島（仁川廣域市甕津郡）
- 最西端（韓國政府聲稱，北韓政府實際控制） - 平安北道
- 最東端（韓國政府實際控制嘅地區，韓國政府聲稱） - 竹島（獨島）
- 最東端（日本政府聲稱） - 竹嶼
氣候
根據克本氣候分類，春川市、原州市等內陸北部、山區屬於濕潤大陸性氣候，首爾、仁川等首都圈同釜山、大邱等南部地區屬於溫帶夏雨氣候同溫暖濕潤氣候。雖然位於半島，但係仍然係明顯嘅大陸性氣候，冷熱溫差大，一年同一日之間嘅溫差都好大。除咗南部同東部沿海地區，1月平均氣溫係低過零度，尤其係最低溫度特別低。冬天受到大陸季風影響，比日本同緯度嘅沿海地區更加寒冷[註 2]。例如首爾同新潟市差唔多係同緯度，但係1月平均氣溫係攝氏-2.0度，同日本嘅飛驒地方、長野縣、東北地方內陸差唔多。如果俾強烈嘅西伯利亞寒流籠罩，首爾最低溫度可以跌到攝氏-10度至-15度左右，郊區更加可以低過-15度，比平時凍好多。仲有釜山同名古屋市或者京都市差唔多係同緯度，但係1月平均氣溫係攝氏3.6度，比名古屋市同京都市低1度。整體嚟講，韓國1月嘅溫度同日本嘅北關東、東山地方、東北地方差唔多。
寒冷嘅天氣唔會持續太耐，2月就會開始有三寒四溫嘅情況，天氣會暖和好多。同1月同2月平均氣溫差唔多嘅日本唔同，韓國最凍嘅時候主要集中喺1月。
冬天濕度低，乾燥又多晴天，所以因為輻射冷卻朝早會特別凍。不過除咗韓國最大嘅多雪地帶鬱陵島，同埋以前試過積雪超過1米嘅日本海沿岸嘅江陵市、東海市、束草市同內陸嘅平昌郡（大關嶺）等江原特別自治道以外，落雪量都唔多，同東日本、西日本太平洋沿岸差唔多，甚至更少。事實上，首爾周邊地區過去最深嘅積雪都只有30厘米左右。
濟州島同福岡縣係同緯度，喺韓國算係最溫暖嘅地方，但係同半島一樣受到西北季風影響，加上有韓國目前北緯三八線以南最高峰嘅漢拏山（海拔1950米）嘅地形影響，風勁到癲。濟州市1月平均氣溫係攝氏5-6度，同對馬或者東京差唔多。喺南部嘅西歸浦市溫度同高知縣或者宮崎縣差唔多。
夏天同日本同中國一樣又熱又濕，全年降水量嘅50-70%都集中喺呢段時間。2018年8月1號，洪川郡錄得41.0度，義城郡錄得40.4度，首爾錄得39.6度等高溫。
- 最暖月22度以下 - 淺藍色
- 最寒月-3度以下（即係亞寒帶（D）嘅條件）- 淺藍色、藍色、深藍色
Remove ads
軍事
韓國依家實行義務兵役制。韓國軍隊叫大韓民國國軍。根據韓國《2014年國防白皮書》，韓國常備軍有63萬，預備役部隊297萬。總統係軍隊嘅最高統帥。
宗教
自古以來，韓族人信奉薩滿教[未記出處或冇根據]。佛教喺4世紀由中國傳到韓國，至今有25.3%[未記出處或冇根據]國人信奉。18世紀天主教傳入韓國，如今有10%[未記出處或冇根據]國人信奉，同埋20%[未記出處或冇根據]國人信奉喺20世紀由美國傳嚟嘅[未記出處或冇根據]基督新教。
運動
註
參考
出面網頁
Wikiwand - on
Seamless Wikipedia browsing. On steroids.
Remove ads