霍格華茲特快列車
From Wikipedia, the free encyclopedia
Remove ads
霍格華茲特快列車（英文：Hogwarts Express）係出現喺《哈利波特》系列小說入面嘅一架虛構嘅魔法列車，這架列車喺倫敦同霍格華茲之間運行。起點站喺倫敦國王十字車站嘅9¾月台，入去嘅方法係穿過九號同十號月台之間嘅間隔牆（麻瓜入唔到呢個月台）。霍格華茲嘅級長有專屬嘅車廂，果度係喺列車嘅前頭位置。列車隔間似乎係跟住字母順序排列，例如根據《哈利波特：混血王子的背叛》所講，史拉轟俱樂部（佢哋聚會嘅車廂喺列車尾段嘅C區）。
當列車到達終點站—活米村站之後，霍格華茲嘅一年級新生會按照傳統喺海格嘅帶領之下坐船渡湖去到霍格華茲，而其他高年級學生就坐騎士墮鬼馬拉嘅馬車經學校正門去到霍格華茲。
故事
喺《哈利波特：神秘的魔法石》入面，哈利喺第１次搭火車嗰陣遇到佢兩個最好嘅朋友榮恩同妙麗。小說入面講述咗哈利搭過１０次霍格華茲特快列車，分别係１年級、３年級、４年級同５年級各兩次，２年級嗰陣因為同榮恩坐衛斯理先生嘅飛天汽車返到去學校而淨係回程嗰陣時搭火車，而６年級嗰陣就冇講到哈利係點樣離開學校，淨係知道去程嗰陣搭過。
Remove ads
背景
霍格華茲特快列車喺1850年代開始用，喺嗰陣之前，霍格華茲嘅學生以前成日坐飛天掃把或者係魔法馬車來回學校[1]。直至1950年代，英國嘅一啲寄宿學校先至有喺開學同假期嗰陣請專用列車接送學生嘅習慣，呢個應該係霍格華茲特快列車嘅靈感來源。
電影改編入面用嘅蒸汽引擎係GWR 4900 Class 5972 Olton Hall，但呢個並唔係第１架改成霍格華茲特快列車嘅火車頭。為咗呢啲小說嘅宣傳，南部鐵路公司嘅SR West Country class 21C127 Taw Valley被重新粉飾咗仲臨時改名，由於呢個令到電影睇起嚟「太現代化」，搞到畀導演基斯·哥倫布推咗。系列入面霍格華茲特快列車嘅拍攝地點包括咗北約克郡沼澤鐵路嘅高斯蘭鐵路站、倫敦國王十字車站，同埋沿住西高地線由蘇格蘭威廉堡至馬萊格鐵路站穿過
霍格華茲特快列車經已整咗幾架火車模型，OO規格由霍恩比鐵路生產，雖然呢個係城堡級火車頭，而唔係電影入面所用嘅霍爾級火車頭。一個軌道供電HO軌嘅軌距模型由馬克林公司生產，而兩軌嘅H0/00由巴合曼工業公司喺2000年代早期生產。樂高集團經已生產咗幾個而家已停產嘅樂高火車規格模型。萊昂內爾公司喺佢2007年嘅產品目錄入面發布咗一套O型規格，仲喺2008年推出G型規格[3][4]。
為咗奧蘭多環球影城度假村擴建而起嘅哈利波特魔法世界入面有個功能齊全嘅霍格華茲特快列車完整尺寸嘅複製品，呢個項目將佛羅里達州環球影城斜角巷擴建嘅國王十字車站同冒險島嘅活米村站連接起嚟[5]，嗰個模型由多貝瑪亞/格拉文達集團用索道鐵路客運嘅形式嚟起嘅，而霍格華茲特快列車嘅國王十字車站喺９號月台同１０號月台之間有一埲牆，乘客可以就好似第１輯電影入面咁樣行過去嚟「穿越」9¾月台。
Remove ads
9¾月台
喺現實世界，國王十字車站嘅第９同第１０號路軌之間並冇月台。電影劇組因為咁就喺拍攝嗰陣用第４同５號月台仲重新編號。J·K·羅琳曾經話佢搞錯咗國王十字車站同尤斯頓站嘅建築結構，但係尤斯頓站嘅第９號同１０號路軌之間仍然係冇月台。
而家，國王十字車站淨係得第９a同９b月台，但係就冇9¾月台；不過，呢兩條路軌嘅建築外有「9¾月台」嘅指示牌，仲放置咗個卡喺牆入面嘅行李手推車，嚟到去紀念呢個系列嘅作品[6]。
現實
現實中，霍格華茲特快列車係位於美國佛羅里達州奧蘭多嘅奧蘭多環球影城度假村入面嘅一條軌道間距為1,800米嘅寬軌往復式地面纜車、旅客捷運系統兼景點。嗰條路線係園區嘅遊覽項目之一，用嚟往返冒險島樂園入面嘅活米村火車站同埋佛羅里達環球影城入面倫敦區內嘅倫敦英皇十字車站，全長係676米（2,218英尺）。呢條纜車路線提供咗連接哈利波特魔法世界主題公園入面[[哈利波特裡面嘅地點#斜角巷|斜角巷}}同埋活米村小鎮之間嘅聯繫，佢哋共同構建咗根據哈利波特系列電影改編嘅奧蘭多環球影城嘅哈利波特魔法世界場景。
嗰個纜車系統用電影入面嘅霍格華茲特快列車嚟做原型，佢由兩列虛構嘅霍格華茲特快列車複製品嚟運作，仲由索道製造公司多貝瑪亞格拉文達集團承包嚟起。列車上面會播放兩段唔同嘅影片嚟顯示而家嘅兩種相反嘅行車方向。由於嗰個列車喺兩個唔同主題公園嘅車站之間接載乘客，乘客因為咁而一定要揸住呢兩個主題公園嘅有效嘅飛嚟入場，仲喺上車之前畀車掌確認先至可以上火車。
霍格華茲特快列車喺2014年7月1號向公眾開放試運，仲喺７日之後同斜角巷擴建項目嘅其他部分一齊喺同日正式向公眾開放。嗰個列車服務喺開放後就即刻受到廣大遊客嘅歡迎，仲喺通車之後嘅１個月入面就達到完成咗１００萬次旅程嘅紀錄。
建造歷程
霍格華茲特快列車嘅概念由環球電影公司創意部門主管
2010年，喺冒險島主題樂園嘅活米村小鎮景點開放咗之後，環球影業開始考慮同相鄰嘅主題公園之間點樣去保持平衡嘅遊客量[9]。創意團隊起初考慮將斜角巷設喺冒險島主題樂園裡面，佢哋最終決定倫敦嘅樂園景區同活米村唔應該設喺可以畀大家望得見嘅範圍。伍德伯里因為咁就提議將斜角巷建喺佛羅里達環球影城入面，然後用一啲嘢將兩個哈利波特主題嘅景區連接[7]。嗰個小組提出咗連接兩個地方嘅幾種運輸方式，規劃者後尾確定咗霍格華茲特快列車嘅諗法[10][7]。
2011年初，環球影城對冒險島樂園嘅「失落的大陸」園區開展咗工程測量，同時度假村已經開始對遊客進行調查嚟到去了解擴建項目嘅可能性。呢個搞到奧蘭多環球影城計劃擴建哈利波特魔法世界樂園嘅謠言廣泛咁傳起上嚟[11]。同年年尾，度假村宣佈大白鲨之旅嘅樂園設施將會喺2012年1月2號閂門，嚟到讓路畀主題樂園嘅進一步建設—哈利波特與逃離古靈閣[12]。喺接近兩年半之後，奧蘭多同佛羅里達州中部地區電視台—NBC嘅附屬機構—WESH TV，佢哋報道話奧蘭多環球影城已經安裝咗一套高架軌道系統，而嗰個鐵軌系統連接住冒險島嘅活米村小鎮同佛羅里達環球影城入面嘅１個建築地盤嘅施工區域[8]。
2013年5月，奧蘭多環球影城正式宣佈哈利波特魔法世界主題公園擴建嘅消息，喺大白鯊主題園區嘅原址位置新增擴建咗斜角巷連同霍格華茲特快列車[13][14][15]。截至同年8月尾，全部６節載客車廂同兩個煤水車都已經準備好等住去組裝[16]。兩列火車上面嘅第１個車廂已經喺同年10月24號安裝喺路軌上面[17]，而第２列列車就喺同年12月頭完整嵌入喺路軌上面[18][19][20]。同年12月2號，奧蘭多嘅一個遊樂園網站《
2014年1月，環球影城度假村透過實時直播提前向公眾騷咗霍格華茲特快列車整體內部構造嘅預覽[22][23]。同年３月中，奧蘭多環球影城度假村發布咗有關嗰個遊樂設施嘅更多相關資訊，包括咗介紹嗰個列車嘅官方概念動畫[24]。嗰個度假村喺2014年6月宣布，包括住霍格華茲特快列車在內嘅斜角巷擴建項目將會喺同年7月8號正式向公眾開放[25]。１個禮拜之後，奧蘭多環球影城喺冇任何官方公告嘅情況下開始咗霍格華茲特快列車嘅試行[26][27]。喺霍格華茲特快列車正式開通咗１個月之後，已錄得１００萬個乘客嘅乘搭人次[28]。呢啲都係１個由150人組成嘅團隊用咗接近兩年半嘅時間嚟完成開發[29]。
特徵
霍格華茲特快列車每年運作365天，每日可以接載30,000個乘客[10]。遊客喺已經入咗任何１個主題公園之後同騷出當日有效嘅入場飛之後就可以搭霍格華茲特快列車[30]。
軌道
霍格華茲特快列車係採用單線高架纜車，橫跨同連接兩個主題公園之間嘅外景區域，路線嘅中間點設有兩軌列車互相避讓嘅會車段（交會站）[7][31]。嗰條路軌全長676米（2,218英尺），軌距係1.800米。軌道上有牽引索同平衡索，佢嘅直徑都係46米（1,800英寸）。佢嘅繞線電機裝置係喺英皇十字車站，額定容量係215千瓦特（300匹馬力），而高峰值功率係636千瓦特（900匹馬力）[32]。
火車
霍格華茲特快列車用咗兩列火車外觀嘅纜車，每列可以運送168個乘客，每次循環往返周期總共可以接送336個乘客[33]。每列火車都係由鉸接式列車車廂嘅５個部分組成：１個蒸汽火車頭嘅複製品、１節掛喺火車頭後面嘅煤水車，仲有３節載客車廂—每節車廂包含７個隔間，而每個隔間最多可以容納８個就座乘客，隔間入面所安裝嘅並唔係普通嘅車窗，而係投影裝置系統[32][34]。最初嘅計劃係每列火車有兩節載客車廂；隨著一項乘客意向調查顯示，潛在乘客會將霍格華茲特快列車睇成係一個獨具意義嘅遊覽景點，而唔係單單連接兩個主題公園嘅交通方式，所以喺載客車廂嘅數量方面會有所增加[35]。成個列車全長70米（230英尺），火車頭重量係13公噸（29,000磅），煤水車嘅重量係15公噸（33,000磅），每節載客車廂重量為27公噸（60,000磅）。由於列車採用嘅係纜車設計，兩列纜車因為咁就可以同時出發仲同時去到中途點，同埋總係同時去到終點站[36]。兩個方向列車嘅行駛速度都係3.4米每秒（12公里每個鐘；7.6英里每個鐘）[32]，仲會喺路線中途嘅會車段嗰度擦肩而過[36]。
由於兩列列車嘅車頭都係向住活米村站，佢哋因為咁就冇辦法向住國王十字車站；所以喺活米村站出發開出去國王十字車站方向嘅火車就需要反方向倒車入去車站[37]。兩個車站嘅月台都設喺列車嘅左側，因為咁列車淨係設計畀啲人喺側面睇到佢；而另一側嘅車身嘅冇火車頭模型上面嘅假驅動輪，亦都冇車身嘅具體細節[38] [39][40]。列車入面超過70%嘅電纜都係為咗令火車外觀逼真啲而設計嘅視覺效果同埋物理動畫組件[10]。
呢啲火車係喺瑞士戈爾道製造。瑞士CWA建設幫列車嘅內外做設計，令佢睇起上嚟盡量似返哈利波特系列電影入面嘅霍格華茲特快列車個樣[10][29][32]。兩列火車基於蒸汽火車頭GWR 4900 Class 5972 Olton Hall嚟做原型（作為5972霍格華茲城堡號），佢嘅整體材質係由鋁同玻璃鋼嚟建造。新列車喺起好之後採用人工風化工藝處理，令佢嘅外觀睇起嚟更加有年代感，就好似一列歷史悠久嘅火車咁樣[41][42][43][44]。
Frey AG公司負責幫列車鋪電線嚟幫行駛緊嘅列車整影像同聲音裝置，亦都同時負責安裝其他技術設備嚟方便畀列車接入去電腦控制系統[32]。
媒體
車廂每個隔間嘅窗口位置都設有個彎曲嘅屏幕[45][46]，佢會隨住列車唔同嘅終點站而播放兩個唔同嘅影像，嗰啲影像由英國DNeg特效工作室製作[38][39][47]。
倫敦交響樂團喺2014年3月25號喺艾比路錄音室錄製咗整個火車行駛旅程入面所播放嘅音樂，向北行駛嘅旅途入面所播放嘅音樂嘅名係《
旅程
哈利波特主題樂園嘅遊客可以搭霍格華茲特快列車來回喺倫敦嘅活米村景區同埋斜角巷附近嘅國王十字區。遊客只要買咗兩個主題樂園通行嘅飛（唔限喺當日一次過、季票同年票通行證），佢哋就可以喺同一日裡面出入呢兩個奧蘭多環球影城嘅主題樂園，仲可以任揀一個方向嘅列車旅程[30]。列車會根據唔同嘅目的地而播放兩段唔同嘅影片，每段影片嘅長度大約係４分鐘[32][48]。
英皇十字車站→活米村
.jpg)
英皇十字車站景點建喺主題樂園嘅前大白鯊景點嘅場地上面。嗰個車站嘅入口喺樂園嘅倫敦區，近住斜角巷，嗰度根據真實嘅倫敦英皇十字車站四分之一嘅比例縮細而複製出嚟[15][49][50]。乘客喺入到火車站大樓入口嗰度要通過查飛，然後排隊入去車站大樓裡面。乘客喺呢個時候可以睇到車站上面顯示車次狀態嘅機械翻頁顯示板，沿途仲有倫敦相關嘅站內廣告、幾堆手提行李箱，同埋一間賣英國品牌嘅嘢食同飲品嘅舖頭。乘客行上一段樓梯之後就嚟到英皇十字車站嘅９號月台同１０號月台嘅標誌牌中間，佢哋呢個時候就可以睇到前面嘅人穿過9¾月台入口嘅果面牆，呢個效果叫做「佩珀爾幻象」嘅錯覺。喺轉過幾個拐角之後，乘客就可以去到9¾月台等下一班火車。霍格華茲特快列車會用倒退嘅方式入到去9¾月台，仲畀到站嘅乘客全部落晒車之後，下一班列車嘅乘客將會上咗３個載客車廂嘅２１個隔間入面[37][39]。
當火車離開英皇十字車站嗰陣，車廂隔間入面嘅投影裝置就會播放貓頭鷹嘿美喺窗外面跟住列車一齊飛仲穿過倫敦市郊嘅片段。當嘿美飛走咗之後，催狂魔就會喺附近嘅建築物上空飛到嚟。哈利·波特、榮恩·衛斯理同妙麗·格蘭傑喺呢個時候就會沿住走廊嘅一邊匆匆行過嚟搵嘢食。火車旅程嚟緊就會駛入一條隧道，嗰個出口會路過暴風雨夜嘅馬份莊園。跟住，火車會經過第２條隧道，當催狂魔入到去火車仲沿住走廊經過嗰陣，車廂隔間裡面啲燈光就會熄晒；哈利·波特喺呢個時候就會用佢嘅魔法打走催狂魔。離開咗隧道之後，乘客就會睇到魯霸·海格喺霍格華茲城堡做背景之下揸住佢架飛天電單車嚟迎接乘客，仲同大家打招呼。當火車駛入咗樹林之後，飛天汽車就會出現喺大家嘅視線仲喺地形上穿越。飛天汽車喺火車駛出樹林之後就會跟手墜毀。列車喺呢個時候再經過霍格華茲城堡，喺去到活米村火車站之前，海格就喺呢度向乘客致意[37][39]。
乘客喺火車到站之後落車，向住霍格華茲特快列車前面嘅斜路行落去，然後沿住通去活米村嘅小路向前行，就會去到活米村嘅小鎮[37][39][51]。
活米村→英皇十字車站
.jpg)
乘客首先喺活米村站嘅入口排隊，驗票員就會檢查乘客去環球影城嘅飛，然後排隊處會通去森林區域，嗰個區域會通去活米村車站大樓。乘客喺行上一段樓梯之後就會去到活米村車站嘅月台。喺英皇十字車站嚟到活米村車站嘅霍格華茲特快列車乘客落車離開月台之後，活米村站嘅乘客就可以上列車，仲喺２１個隔間入面坐低[38]。
當列車出發開去英皇十字車站嗰陣時，車廂入面嘅影片就會開始播放住海格喺車窗外面向乘客揮手告別嘅畫面，走廊嘅一側仲會出現哈利、榮恩同妙麗正喺度搵緊吉嘅車廂隔間嘅身影。跟住，鷹馬巴嘴會喺霍格華茲城堡建築嘅背景下飛去車窗外面，唔夠一陣之後，火車就駛入去[[哈利波特裡面嘅生物#人馬|半人馬}}喺車窗外面奔跑嘅森林。離開咗森林之後，乘客又再可以睇到霍格華茲城堡喺背景入面出現，弗雷同喬治·衛斯理會喺呢個時候出現，佢哋一路騎住飛天掃把，仲一路喺空中放煙花。霍格華茲特快列車跟住就駛咗入去一條隧道，乘客會發現自己喺出咗隧道之後正身處喺經過馬份莊園嘅暴風雨之中。旅程後嚟入咗去第二條隧道，哈利、榮恩同妙麗又再喺火車走廊嘅一邊行過；哈利就喺呢個時候將一隻爬上隔間門嘅甘草蜘蛛食咗（令到榮恩覺得好驚），跟住佢哋３個繼續沿住走廊向前行。出咗隧道之後，火車旅程繼續開去倫敦，途中經過工業廠房同埋住宅區。騎士巴士就緊接住出現，佢喺建築物之間擠過，仲忽然縮細嚟穿過橋底下面。列車喺駛過咗騎士巴士之後就駛入去英皇十字車站嘅景點，瘋眼穆敵就會喺嗰度迎接遊客[38]。
乘客落車之後就會嚟到英皇十字車站嘅9¾月台，落咗一段樓梯就入到去2010年代嘅英皇十字車站大堂。乘客沿住喺車站大樓行出嚟就係黐住斜角巷嘅倫敦海濱景區[38]。
Remove ads
評價
.jpg)
《
《about.com》網站嘅
2014年，佛羅里達環球影城嘅遊客量相比前一年嘅710萬人次增長到830萬人次，冒險島樂園嘅遊客量就無變化。根據《AECOM》經濟部門副主席
Remove ads
事故
睇埋：環球樂園事故
相關條目
- 9¾月台
- 倫敦國王十字車站
- 霍格華茲特快車 (奧蘭多環球影城度假村)
参考文獻
Wikiwand - on
Seamless Wikipedia browsing. On steroids.
Remove ads