人蛇

人蛇，又叫偷渡者、非法入境者，係指用犯法嘅手段跨過邊界入境定居嘅外地人，可能會引起好多社會問題，譬如同本地人爭工作機會同社會福利。

以色列一個反對打壓小人蛇嘅示威

出處

人蛇呢個叫法係出自香港。因為當年大陸人會好似蛇咁屈身喺魚船或者貨船既甲板下面，偷渡到香港，所以香港人就將偷渡客統稱做人蛇，而組織偷渡活動既人就叫做蛇頭。

危險

偷渡係一個高度危險既非法活動，早年珠江口經常發現偷渡者浮屍^[1]，以近年最受國際注目既係英國既艾塞克斯郡（Essex），警察發現一架貨櫃裏面有39條死屍，涉事既人蛇集團係嚟自越南^[2]。