馬來西亞廣播電視台

馬來西亞廣播電視台（馬來話：Radio Televisyen Malaysia，簡稱RTM），正式名馬來西亞廣播局（馬來話：Jabatan Penyiaran Malaysia）^[1]，係馬來西亞通訊及多媒體部轄下嘅國營廣播機構，總部喺吉隆坡，依家擁有33個廣播頻率同6個電視頻道，口號係「RTM，你的忠心朋友」（RTM Teman Setia Anda）。

馬來西亞廣播電視台 Radio Televisyen Malaysia 馬來西亞廣播局 Jabatan Penyiaran Malaysia
類型	公共廣播
品牌	RTM
開播日期	1946年4月1號（廣播） 1963年12月28號（電視）
國家	馬來西亞
創立日期	1946年4月1號 (1946-04-01)
口號	RTM Teman Setia Anda （RTM，您的忠心朋友）
擁有者	馬來西亞通訊及多媒體部
旗下數位頻道	TV1、TV2、TV Okey（英文：TV Okey）、RTM新聞頻道、RTM體育頻道（英文：RTM Sports）、TV6
官方網站	http://www.rtm.gov.my

File:RTM s21.png

歷史

馬來西亞廣播電視台前身係馬來亞廣播電台，總部喺新加坡，1946年4月1號開始播放電台節目。馬來亞喺1957年8月31號獨立之後，「馬來亞廣播電台」喺1959年1月1號將總部搬去吉隆坡，原有嘅新加坡播音室就由新加坡廣播電台接管。1963年馬來亞、新加坡、沙巴、沙撈越合組馬來西亞之後，「馬來亞廣播電台」改名做「馬來西亞廣播電台」。

馬來西亞喺1963年12月28號引入電視廣播，當時啱啱係聖誕、元旦假期，馬來西亞電視台第一次轉播雪蘭莪州巴生谷舉行嘅慶祝活動。新加坡亦喺同年12月28號引入電視廣播，最初新加坡電視台係馬來西亞電視台喺新加坡州嘅分部，服務新加坡觀眾，直至新加坡喺1965年獨立之後，先脫離馬來西亞電視台^[2]。

吉隆坡廣播大廈係馬來西亞廣播電視嘅總部

1968年，馬來西亞電台同馬來西亞電視搬去依家喺吉隆坡廣播大廈嘅總部。馬來西亞電視喺第二年（1969年）因為第二頻道嘅啟播被一分為二。同時原有嘅「馬來西亞電視」頻道改名做第一頻道。馬來西亞電視亦喺嗰一年同馬來西亞電台合併，改名做馬來西亞廣播電視^[2]。

之後，「馬來西亞電台」喺1971年1月1號改名做「全國頻道」，成為馬國第一條全日廣播嘅電台。1972年，馬來西亞電視又同當地教育部聯手設立教育電視^[2]。

1978年12月28號，RTM開始播放彩色電視節目，同時第一頻道改名做馬來西亞電視一台。1979年5月7號，第二頻道改名做馬來西亞電視二台。當時只有西馬來西亞地區嘅民眾先可以睇到彩色電視。同年，呢個台使用新台標，兩個電視頻道亦有佢哋嘅口號^[2]。

1980年8月31號，沙巴同沙撈越開始播放彩色電視，轉播當時喺吉隆坡獨立廣場進行嘅國慶日巡遊^[2]。

1980年代以嚟，馬來西亞廣播電視台制作節目能力逐漸提升，TV1同TV2亦喺1987年擁有自己嘅台標。電視台口號係「您嘅忠心朋友」（Teman Setia Anda）喺1987年啟用，之後曾經改為「RTM不斷向前」（RTM Tetap Unggul）^[3]，去到2021年改返做「您嘅忠心朋友」。

引入數碼電視

馬來西亞新聞部喺2005年宣佈將喺馬來西亞引入數碼電視服務。2006年9月1號-12月31號期間，巴生谷流域地區1,000戶家庭先行測試數碼信號。當時出任馬來西亞新聞部副部長謝寬泰表示，呢次試驗得到「好正面」嘅回饋，例如超過60%參與試驗嘅民眾滿意數碼電視訊號嘅素質，逾88%民眾表示電視影像質素有改善，同時有70%民眾表示聲音質素有改善。

馬來西亞廣播電視將設立三個數碼頻道——RTMi、Muzik Aktif同Arena，另外兩條原有頻道亦會喺數碼信號同步播出^[4]。按照重組計劃，馬來西亞廣播電視仲計劃準許州屬同聯邦直轄區設立自家嘅電視頻道，播放本地制作節目。前任馬來西亞新聞部部長阿末沙比里表示，呢個台計劃喺2012年向全馬來西亞推出數碼地面電視服務。不過馬來西亞各間電視台之間存在住創意上嘅差異、馬來西亞寬帶基建有待改進，呢兩個原因令計劃陷入停滯狀態。

2011年3月，馬來西亞廣播電視宣佈未來採用嘅數碼電視制式可能轉為DVB-T2^[5]。馬來西亞新聞、通訊及文化部部長萊士雅丁喺2011年3月31號表示，馬來西亞電視將喺2015年終止模擬電視廣播，到時馬來西亞嘅電視台只會提供數碼電視信號節目，為觀眾帶嚟更好質素廣播；而專為東馬來西亞國民而設嘅TVi（即係前面提及到嘅RTMi，依家係TV Okey）就喺同年4月10號喺Astro第180頻道啟播，主要播放沙巴同沙撈越新聞^[6]。

馬來西亞全境已經喺2019年10月31號全面終止模擬電視信號^[7]。

2020年1月1號開始，RTM各節新聞改版，同時又更換各節新聞片頭動畫、新聞鏡面、片頭音樂（只更換喺TV2播出嘅新聞）、虛擬攝影棚；下晝5點播出嘅《N5》改名做《Berita Wilayah》（地區新聞），《Nasional 8》（8時國家新聞）改名做《Berita Perdana》（主要新聞），原本喺《N5》內播出嘅《沙巴新聞》、《沙撈越新聞》改為喺07:30（沙巴）、07:45（沙撈越）播出。

2020年6月25號夜晚7點45分，RTM新聞頻道（英文：Berita RTM）（Saluran Berita RTM）開播，並同步啟用全新嘅實景新聞錄影廠。

2021年4月1號朝早10點45分，RTM體育頻道（英文：RTM Sports）（Saluran Sukan RTM）開播。同日，本台更換新版台標，並沿用至依家。

電台頻道

馬來西亞廣播電視一共設有6條喺馬來西亞全國播出嘅電台頻率，分別係馬來語頻道Radio Klasik FM（英文：Radio Klasik FM）、Nasional FM（英文：Nasional FM）、英語頻道TraXX FM（英文：TraXX FM）、華語頻道愛FM、淡米爾語頻道Minnal FM（英文：Minnal FM）同埋土著語言頻道Asyik FM（英文：Asyik FM）。

本地

馬來西亞13個州、首都吉隆坡同納閩都設有自己嘅電台。另外，馬來西亞部分城鎮同埋離島都設有地區性電台頻道。

RTM本地電台網絡，以前叫「Radio 3」，係跨越佢哋各自州屬同聯邦轄區為聽眾提供嘅本地化服務。大多數電台由朝早6點到每日半夜運作，喺停工期間同時播放「Nasional FM」嘅聯播節目，例如沙巴 V FM，會喺一夜之間做另一個國家電台網絡做聯播。但係，KL FM係每日24小時營業。

州屬/聯邦	頻率	站	語言	參考
玻璃市	MHz	玻璃市 FM	馬來語	[8]
吉打	MHz	吉打 FM	馬來語	[9]
	MHz	蘭卡威 FM	馬來語	[10]
檳城	MHz	Mutiara FM	馬來語	[11]
霹靂	MHz	霹靂 FM	馬來語	[12]
雪蘭莪	MHz	雪蘭莪 FM	馬來語	[13]
吉隆坡	MHz	KL FM	馬來語	[14]
森美蘭	MHz	Negeri FM	馬來語	[15]
馬六甲	MHz	馬六甲 FM	馬來語	[16]
柔佛	MHz	柔佛 FM	馬來語	[17]
彭亨	MHz	彭亨 FM	馬來語	[18]
登嘉樓	MHz	登嘉樓 FM	馬來語	[19]
吉蘭丹	MHz	吉蘭丹 FM	馬來語	[20]
沙撈越	MHz	沙撈越 FM	馬來語	[21]
	MHz	紅 FM	英文同華語	[22]
	MHz	Wai FM（1台）	伊班語	[23]
	MHz	Wai FM（2台）	比達友人語、Kayan語同Kenyah語	[23]
	MHz	詩巫 FM	馬來語、華語同伊班語	[24]
	MHz	美里 FM	馬來語、華語、伊班語、Kayan語同Kenyah語	[25]
	MHz	Sri Aman FM	馬來語	[26]
	MHz	民都魯 FM	馬來語	[27]
	MHz	林夢 FM	馬來語、Bisaya語同Lun Bawang語	[28]
沙巴	MHz	沙巴 FM	馬來語	[29]
	MHz	沙巴 V FM	英文、Kadazan語、Dusun語、華語、Bajau語 同Murut語	[30]
	MHz	Keningau FM	馬來語、Murut語同Dusun語	[31]
	MHz	Sandakan FM	馬來語	[32]
	MHz	斗湖 FM	馬來語	[33]
納閩	MHz	納閩 FM	馬來語	[34]

電視頻道

馬來西亞廣播電視台擁有六個地面電視頻道同一個網上電視頻道。地面電視頻道包括TV1（馬來語頻道，播放新聞、體育、劇集、訪談類節目同記錄片）、TV2（少數族裔頻道，播放華語、英語、淡米爾語節目，節目內容包括新聞、兒童節目、娛樂、劇集同電影）、TV Okey（英文：TV Okey）（服務對象為沙巴、沙撈越居民，全國播放^[35]）、RTM新聞頻道、RTM體育頻道（英文：RTM Sports）同TV6（英文：TV6 (Malaysia)）^[36]。上述頻道都採用數碼制式，喺myFreeview（英文：MYTV Broadcasting）播放。TV1（高清）、TV2（高清）同TV Okey亦喺Astro播出。網上電視頻道係RTM國會頻道，喺佢自設嘅MyKlik網站播放。1News頻道原本係網上電視頻道，喺2020年1月1號開始轉為VOD制式播放。

根據尼爾森控股（英文：Nielsen N.V.）喺2020年全年進行嘅調查，TV1同TV2總收視率為7%，低過私人機構（首要媒體集團同Astro）擁有嘅電視頻道^[37]。

其他由馬來西亞廣播電視台擁有嘅網站同頁面

One News logo.

• Kopi Panas^[38]
• One News^[39]
• RTM Podcast^[40]
• Kita kita^[41]

標誌

• 
  馬來亞廣播電台／馬來西亞廣播電台標誌（1946－1969）
• 
  第二代標誌 (1969－1978）
• 
  第五代標誌 (2004－2021）
• 第六代標誌（2021年至依家）
  第六代標誌（2021年至依家）