馬卡龍

  「Macaron」跳來爾道，唔好同意式蛋白餅（macaroon）或者通粉（macaroni）搞亂。

  想搵外號「馬卡龍」嘅中國男藝人嘅話，請睇奧利。

馬卡龍（法文：macaron），又叫做法式小圓餅，係一種用蛋白、杏仁粉、白砂糖同糖霜做嘅法式甜品^[1]，通常響兩塊餅乾之間夾住尐生果醬或者奶油。佢嘅由來可以追溯到19世紀嘅蛋白杏仁餅，係法國西部維埃納省嘅嘢食，呢種甜品出爐之後，係一個圓形細細隻甜點，有豐富嘅口感。

歷史

馬卡龍最早出現響意大利嘅修道院，當時有個修女製作呢種由杏仁粉整成嘅甜嘢食^[2]，所以又叫做修女嘅馬卡龍，直到1533年先帶到去法國。

巴黎嘅糕點師傅 Pierre Hermé 發明咗一種新嘅馬卡龍^[3]，用三文治嘅夾法將餡夾喺兩個蓋中間，成為新嘅細圓餅。

今日

家陣有好多烹飪書籍提供馬卡龍嘅食譜。不過，道地嘅馬卡龍繁複多變嘅顏色、款式、同埋口味，至今都好受顧客歡迎。

Pierre Hermé 將2006年3月20號定為「馬卡龍日」（Jour du Macaron）^[4]，唔單止全店其他種類嘅甜點暫時落架，重會推出依家唔再製作嘅口味，並且特別邀請當地罕見疾病總會合作，畀顧客隨便揀免費嘅馬卡龍，任得客人自己捐幾多。

類似嘅嘢食

内文：臺式馬卡龍

喺臺灣有類似馬卡龍嘅糕點，叫做臺式馬卡龍，口感比較鬆軟，又無咁甜^[5]，但係製作方式同馬卡龍完全唔一樣。