高松傑

高松傑（英文：Jacky Chung Kit Ko，1979年1月11號—），香港激進親中派政治人物，菁英會副秘書長，喺香港出世，籍貫中山。

高松傑
出世	(1979-01-11) 1979年1月11號（46歲）

公職

• 香港再出發大聯盟發起人^[1][2]
• 民政事務局公共事務論壇成員
• 通訊事務管理局辦公室電視及電台廣播諮詢小組組員
• 網絡紅人工作者協會主席^[3][4]
• 九龍城區撲滅罪行委員會委員^[5]

政治立場

高松傑自稱係建制派KOL，對新疆種族滅絕問題持否認態度^[6]，對美國亦持不友善態度^[7]。

新疆棉花風波中表現

喺2021年3月，多個國際時裝品牌因為新疆種族滅絕問題，宣佈唔再用新疆出產嘅棉花，引起國際社會一啲風波。包括高松傑同黃煒龍在內嘅一啲激進親中共派人士就曾經狙擊其中一個停用新疆棉嘅品牌H&M，話H&M係美國嘅走狗^[7]，又曾經同民建聯立法會議員陳恒鑌發起聯署^[8]。高松傑同黃煒龍聲稱「中國新疆棉花雪白無瑕」，而高松傑就聲稱自己每晚喺抖音開直播同新疆美女交流^[6]。

做騷撕被剪角BNO

喺2020年6月，因應香港局勢惡化，英國外相藍韜文公開表示有意放寬英國國民（海外）護照（BNO）持有人嘅居留期限後，高松傑曾經連同林宇星、石房有激進親中共派人士，去英國駐港領事館抗議，又撕毀BNO護照以示支持國安法。但係就有記者發現，高松傑同林宇星撕毀嘅護照，其中一角已剪去，有網民質疑有人表面愛國但就為BNO續期，又唔願撕毀新護照。而據英國傳媒過往報道，損毀BNO護照係屬於罪行，曾有人因此被罰款350英鎊^[9]。