魔岩唱片

魔岩文化股份有限公司係一間台灣嘅公司，喺1992年成立，1995年品牌改名做魔岩唱片股份有限公司，係滾石唱片旗下嘅音樂廠牌^[1]，2002年結束營業，營運嗰陣算係台灣一個比較另類嘅音樂品牌^[2]。

業務

魔岩推出嘅唱片，涵蓋兩岸三地，旗下藝人，先後有楊乃文、伍佰、順子、林憶蓮、竇唯、陳珊妮、陳綺貞、張震嶽等等^[3]。

另外，喺1999年，佢哋亦開設過Magic Online網站，並以建置「網路音樂圖書館」為目標，除咗提供網友搜尋魔岩旗下歌手、代理發行嘅外國專輯之外，歌曲套譜、結他彈奏指法等較專業嘅音樂資訊都有提供^[2]。