黑裝修，紅裝飾，藍罷買，黃幫襯
From Wikipedia, the free encyclopedia
Remove ads
「黑裝修，紅裝飾，藍罷買，黃幫襯」係香港一個社會運動行動，由LIHKG討論區（連登）網民發起。因應2019年《逃犯條例》修訂問題造成反逃犯條例修訂運動，過程發生好多事，造成社運升級。結果示威升級，出現暴力同埋破壞情況[1][註 1][2]。
.jpg)
.jpg)
意思
發展
2019年7月，經濟日報集團石鏡泉去藍絲帶集會台上公然教唆其他人去打人。當時20號「守護香港」集會上，石鏡泉話用藤條同埋水喉通打人係一種「教仔」方法，佢重講到好深入，話要用幾粗同埋幾長，用咩力同埋打身體邊個部位。其後，石鏡泉受到集團員工同埋公會，重有社會各界批評，石最終收返「打仔論」。[9][10]
其實，親建制派一班友入面好多都成日話要打要殺，例如2006年8月6號，《太陽報》專欄作家「紀曉嵐鐵筆」就發表評論對待非建制派做法係「對奸黨唔使論理只須暴打」。又如：2017年極端藍絲組織新界大聯盟舉辦嘅「革走戴耀廷吶喊大會」上，香港立法會議員何君堯講「殺無赦」，而曾樹和就話「必須殺」等恐怖主義言論。
2019年7月21號，七二一元朗襲擊發生，過程中有人影到，同埋無香港警察去阻止，有人試過報警但唔成功。自從福佬打人之後，香港出現有關針對性示威行動，最後發展成「黑裝修，紅裝飾，藍罷買，黃幫襯」現象。另外，何君堯議員本來就係新界佬，早年已被指同埋班福佬有關[11]，2019年七二一元朗襲擊時，成班「白衣人」入面有人同何君堯講：「我福建實力，畀啲能量佢」。何即俾手指公（俾Like）對方，同埋同班白衣人喳手，何重話：「你哋係我英雄」[12]。
同年9月中，何議員辦事處被毀[13]。差唔多時候，16號，北角、炮台山再出現一班大陸口音白衣人打市民事件，有人自稱「福建人」[14]。
同年10月28號晚屯門示威期間，富臨集團旗下龍門冰室海麗花園分店遭到「黑裝修行動」，俾人掟汽油彈[15][16]。
不過自同年11月香港理工大學衝突之後，激進勢力元氣大傷，「黑裝修，紅裝飾」嘅行動變得越嚟越少，只係得返以建立「黃色經濟圈」做目標嘅「藍罷買，黃幫襯」嘅行動可以維持落去。
Remove ads
反應
親政府團體表明反對，香港警察話口號有「美化暴力」之嫌[8]。中共黨媒《人民日報》話係引火自焚。[17]中聯辦有關報紙亦大肆批判行動，話示威者會長期「亂港」，計劃行動已「地下化」[18]。
另外，「罷鷲行動」過程中有殺錯良民例子，例如一芳水果茶。報指事後一芳得到示威者「還原」，香港總代理表示歡迎。[19][20]大陸手機品牌小米雖然曾經用「五大平台，缺一不可」廣告口號，重遭到國家機器狠批「缺腦如此，無藥可救」，但最終難逃「火攻」命運[21]。有示威網站認為可能過激，網友亦話唔破壞大陸民企，亦有人話真係「生米煮熟飯」、「煲仔飯」，「對準政權」[22]。
2019年10月尾，有連登會員表示如果「政見唔同就要『裝修』」，覺得運動變質似「大陸文革」，有唔少人同意講法[2]。其實，前前後後網上已經出現好多懷疑「借刀」，特指唔係上市公司就好難起底。譚仔雲南米線一直無表態，直至2019年10月26號有分店被貼上反示威標語，令媒體同埋示威者關注[23]。連登人認為加藤屋係「黃絲」所以譚仔都一樣，認為係反日大陸人借刀殺人；亦有要求公開CCTV證明清白前會「罷賣」[24]。譚仔Facebook貼文指係「整蠱」，有條友由鋪頭外面貼上去。
當被認定係「黃絲」後，小商店生意會被帶挈。不過亦有風險，例如藍絲報復。[25]明星食堂龍門冰室表明撐學運後遭到破壞，[26]有YouTuber話馬鞍山黃絲小店俾人拆爛把鎖[27]。
示威散水後，會有趁火打劫，差人都拉唔少，大陸佬、南亞黨、香港中佬，咩賊都有。[28][29][30][21]
有關活動經過爭議去到10月，香港示威慢慢變成「爆買日」行動，強調用消費建設本土主義[31][32]。目的係動員大量支持者去大力幫襯「黃絲店」，行動又叫做「爆買黃店日」，有次行動又叫做「三區爆買日」等等。[33][34]
睇埋
參考
註腳
出面網頁
Wikiwand - on
Seamless Wikipedia browsing. On steroids.
Remove ads