BIGBANG

BIGBANG（韓文：빅뱅；日文：ビッグバン）係 YG娛樂喺2006年推出嘅韓國男子音樂組合，由T.O.P、太陽、G-Dragon、大聲^[1]、同埋勝利五位成員組成，而 G-Dragon 就係做隊長嘅職位。

BIGBANG Extraordinary 20's

歷史

出頭

喺個組合啱啱出道嗰陣，係以嘻哈嘅風格為主。佢哋嘅第一張同名嘅專輯，賣到差唔多4萬張，成果仲未太明顯。到2007年，隊樂隊推出咗第一張迷你專輯《Always》，呢次非常成功。其中個專輯入面包括咗〈謊言〉呢首歌，更加令個組合一舉成名。除此之外，呢首歌亦都喺南韓嘅唔同音樂排行榜度，維持到大概7個禮拜做冠軍^[2]，而 BIGBANG 喺第9屆「Mnet亞洲音樂大獎」亦都係靠呢首歌，嚟贏第一座年度歌曲大獎^[3]。

打入市場

BIGBANG 之後推出嘅唱碟越嚟越出名，其中包括喺2012年推出嘅第五張韓文迷你專輯《Alive》。呢張專輯唔單之成為咗第一張上美國嘅 Billboard 音樂獎（英文：Billboard Awards）嘅韓國專輯^[4]，仲幫咗隊樂隊贏第14屆「Mnet亞洲音樂大獎」嘅年度歌手獎。

到2015年，經過休息3年時間之後，總共推出咗4首歌，分別為《M》、《A》、《D》、同《E》，而之後嗰年就正式推出埋專輯《MADE》。淨係呢4首歌就已經賣到超過1,500萬張^[5]，而隊組合再一次贏到「Mnet亞洲音樂大獎」嘅年度歌手獎。

BIGBANG喺之後嘅時間不斷改進，破咗唔少記錄，畀大家叫佢做「K-POP流行音樂之王」、「韓國國民男團」等等^{[6][7][8][9][10][11]}，其中 G-Dragon 為個組合贏到音樂界嘅尊敬同讚賞^[12]。

成就

喺 BIGBANG 嘅職業生涯期間，個組合贏咗好多韓國同海外嘅大獎，包括：「Cyworld數位音樂大賞」史上最暢銷藝人、「Mnet亞洲音樂大獎」贏咗幾次做年度歌手獎嘅藝人、同埋成為第一個入到「富比士百大名人」^[13]同「富比士全球30歲以下著名音樂人TOP30」名單嘅韓國歌手^[14]。

佢哋每年嘅收入差唔多 $4,400萬美金，係「富比士30歲以下收入TOP30」唯一代表南韓嘅入榜人，排第13名^[15]。

銷量

根據 Gaon 排名單開始計銷量以嚟，BIGBANG 已經賣咗超過1.4億張唱碟，加上之前韓國音樂產業協會（MIAK）同韓國音樂內容產業協會（KMCIA）所推出嘅銷量，已經超過咗1.8億張。喺東亞地區，銷量超過咗1.28億。拉勻之後，每首主打歌嘅下載量係430萬，而唔係主打歌嘅下載量就係150萬。專輯嘅銷量已經超過咗1,300萬張，係亞洲歷史上賣專輯最紅嘅組合^{[16][17][18][19][20]}。

影響

由於呢個組合喺全世界嘅知名度高，而對韓國嘅流行音樂亦有好大嘅貢獻，所以《華盛頓郵報》叫 BIGBANG 做「亞洲最頂級嘅音樂團體」^[21]。除此之外，《荷里活報導（英文：The Hollywood Reporter）》、《時代雜誌》亦都封佢哋做「全球最有影響力嘅男子組合」^[22][23]，可以見到個組合已經贏到國際上嘅實穩。