彩繪玻璃

彩繪玻璃（英文：stained glass），又有叫彩色玻璃（coloured glass）或者花窗玻璃，係指有顏色嘅玻璃。彩繪玻璃喺色彩上可以整到好鮮艷，所以成日俾人攞嚟整一啲充滿裝飾同圖案嘅玻璃窗。亦都因為噉，彩繪玻璃喺建築設計上有廣泛嘅藝術用途，例如好多教堂嘅設計都興加入彩繪玻璃，等日頭嗰陣陽光能夠透過彩繪玻璃射入建築物內部，展現出俾好多人覺得好靚嘅光效果^[1]。

沙特爾主教座堂嘅彩繪玻璃

陽光通過伊朗一間清真寺嘅彩色玻璃窗，展現出唔同嘅顏色。

窗戶嘅設計可以係抽象嘅或者係比喻性嘅；可能會納入從聖經、歷史或文學中抽取嘅故事；可能會描繪天使或者守護聖人，或者用象徵性嘅圖案，特別係紋章圖案。

睇埋

• 玻璃
• 教堂
• 哥德式建築