中國方言
From Wikipedia, the free encyclopedia
中國方言喺中國語言學界觀點即係中國唔同地方講嘅話,傳統上以南北區分,即所謂「南腔北調」,如果再細分又有所謂「七大方言」,不過又有人認為係「八大方言」至真。南方方言種類比較多同雜,即吳、湘、贛、客、粵、閩,閩又有分閩南同閩北,而北方方言就較統一,就只有一種,所以就叫北方方言或者北方話,夾埋就叫「七大方言」[1],閩南閩北分開就「八大方言」[2]。又有人認為晉語、徽語、平話都應該屬一種獨立嘅大方言,所以認為係「十大方言」至真。不過喺中國語言學界以外,普遍認為中國唔同地方講嘅話差異比較大,唔認同佢哋係「方言」,而係漢語族下嘅唔同語言。