From Wikipedia, the free encyclopedia
向華強(英文:Charles Heung,1948年12月16號—),香港親中商人、電影出品人、中國星集團董事會主席同埋電影監製[1]。
向華強喺廣東出世。老豆向前係中華民國國軍少將,係黑社會新義安嘅創辦人、三合會成員。向華強喺向氏十三個兄弟入面排行第十,老婆係自台灣嘅陳嵐(又叫陳明英),有兩個仔女:大女向
心妍,二仔向佑[1]。
向華強演過唔少部嘅電影,包括,《藍江傳之反飛組風雲》裏頭演藍江、《賭神》、《賭俠》、《賭神2》裏頭演龍五……,1996年經營中國星集團有限公司,出品過嘅戲有《黑金》、《龍在江湖》、《暗戰》、《孤男寡女》、《瘦身男女》、《大隻佬》、《神探》等等,1992年嘅《藍江傳》獲提名第十二屆香港電影金像獎最佳男主角。
|
|
|
|
|
關於向華強嘅爭議跨越陸台港澳四處,主要係圍繞佢親中,同中國共產黨,仲有同黑社會組織嘅關係。而除咗佢自己之外,佢嘅仔向佐亦係由中共共青團領導中華全國青年聯合會嘅委員[1][2]。
喺2020年7月,北京繞過香港立法會,強行落實「港版國安法」,事件引起好多香港人不滿同國際社會關注,但包括向華強、成龍在內嘅一批香港演藝文化界人士,就發表聲明支持中共嘅決定[1],但有關聯署之後被揭發做假,其中名單上嘅張寶華、徐熙媛、李巧靈同蔣志光之後否認有份參與,而陳汝騫就一早離世[3]。
2020年12月,向華強向台灣內政部申請依親移民嚟台灣,向氏家族甚至搵埋台灣立委遊說主管機關[2],但台灣國安單位考慮到佢同共產黨嘅關係,研判佢嘅申請有「中共任務性移民」可能性[1]。向太陳嵐回應事件嘅時候,就話只係老公同個仔方便出入台灣,先申請依親居留簽證[4]。
民進黨立委王定宇亦關注事件,形容要保護台灣安全,一定要否決呢個申請[5]。經濟民主連合智庫召集人賴中強回應事件嘅時候,形容向華強喺香港影視界有高度影響力,如果佢喺台灣演藝圈發展,將中國對藝人政治審查嗰套搬嚟台灣,恐怕會造成台灣藝人全盤變質,令人擔憂[1]。
响2015年,有批存款於永利澳門內多金賭廳嘅客户,由於收唔返錢,喺示威追債時,將矛頭指向被認為係幕後老闆嘅向華強。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.