第7屆香港立法會選舉
From Wikipedia, the free encyclopedia
2021年香港立法會選舉,係香港特別行政區成立之後嘅第七屆立法會選舉,會重新選出全部90個議席,原定喺2020年9月6號舉行,其後改咗喺2021年12月19號舉行。呢場選舉普遍被視為係一場由中國共產黨操控嘅一場表演性選舉。
Quick Facts 立法會全部90席位 46席先至得到大多數, 第一大黨 ...
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Close
呢場選舉係中共喺2019年香港區議會選舉民主派贏到開巷之後輸打贏要,未經香港人同意或者事先諮詢,就強行顛覆香港選舉制度,大幅度削減立法會直選議席數目同比例,恢復返已經廢除咗廿年由小圈子產生嘅選舉委員會議席,同時將政治審查制度化之後嘅第一次選舉。而且由於呢次選舉剝奪咗香港選民嘅真正選擇權,再加上大量政治異見人士因為遭到港版國安法嘅迫害而坐緊監。因此大部分民主派都杯葛呢場選舉,所以呢次亦係首次有主要政治派系明言唔參加嘅香港立法會換屆選舉。不過,有啲自稱係民主派嘅人出嚟參選,亦引起其他香港人對佢哋政治立場嘅質疑。
由於呢場選舉被絕大多數香港人及國際社會視為非真正自由民主嘅假選舉,所以選舉氣氛亦比以往要低迷,有國際媒體發表社論呼籲香港人杯葛,有啲甚至形容呢場選舉係騙局,而換嚟香港政府嘅恐嚇。
結果呢場選舉喺大部分香港選民嘅杯葛下,即使史無前例咁搞埋邊境投票站,投票率都係得30.2%,成為香港有史以嚟投票率最低嘅立法機關換屆選舉,而當選嗰90條友全部都係畀中共操控嘅親中派。英國、美國、加拿大、澳洲、紐西蘭、法國、德國、意大利、日本、歐盟等多個自由世界國家都唔承認呢場由中共操控嘅假選舉,同埋嚴厲譴責中共大搞政治迫害。