葵青區
香港十八區之一 / From Wikipedia, the free encyclopedia
葵青區係香港地方行政區,裏面主要咨詢機構係葵青區議會,選舉代號係S,有28個分區。個區分成兩部份,葵涌同青衣,兩個部份都響新界。立法會選舉屬新界西。2006年為止,人口有52萬3300[1],佔香港人口百分之7.6,十八區排第四。葵青區人口密度係每平方千米有2萬2421人,係新界各區之中最高,遠超新界平均數3748人。
葵青區同新界其他區唔同,唔係新界理民府分區走出來。1985年之前,葵涌同青衣都係歸荃灣區,之不過因為荃灣新市鎮發展,遠超一區之力,就響1985年4月1號將葵涌同青衣拆出來,另立葵涌及青衣區,同時亦選出相應嘅區議會。到咗1988年,就簡短啲,改叫葵青區。