![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/57/Causeway_Bay_Bookstore_exterior.jpg/640px-Causeway_Bay_Bookstore_exterior.jpg&w=640&q=50)
銅鑼灣書店
From Wikipedia, the free encyclopedia
銅鑼灣書店係香港一間樓上書局,由香港人林榮基喺1994年創立,喺香港島銅鑼灣駱克道543號1樓[1],鄰近崇光百貨同埋港鐵銅鑼灣站D2出口,店鋪嘅面積大約有300平方呎(約30平方米)。呢間書店除咗普通文藝歷史書籍之外,重有賣唔少中國政府唔畀出版同賣嘅政治禁書而出名[2],有好多中國內地人嚟香港旅遊嗰陣,都會專登到呢間書店買政治書[3]。
![Thumb image](http://upload.wikimedia.org/wikipedia/commons/thumb/4/43/Causeway_Bay_Bookstore_posters_on_the_stairs_wall.jpg/640px-Causeway_Bay_Bookstore_posters_on_the_stairs_wall.jpg)
![Thumb image](http://upload.wikimedia.org/wikipedia/commons/thumb/a/ad/Causeway_Bay_Bookstore.jpg/640px-Causeway_Bay_Bookstore.jpg)
![Thumb image](http://upload.wikimedia.org/wikipedia/commons/thumb/5/57/Causeway_Bay_Bookstore_exterior.jpg/640px-Causeway_Bay_Bookstore_exterior.jpg)
![Thumb image](http://upload.wikimedia.org/wikipedia/commons/thumb/4/4b/Causeway_Bay_Bookstore_new_political_books_display.jpg/640px-Causeway_Bay_Bookstore_new_political_books_display.jpg)
2014年,林榮基將書店賣畀巨流傳媒有限公司,佢本人留任店長。公司由桂民海、李波嘅老婆同呂波三個人持股,自從2014年9月,股權分布為桂民海34%、李太34%同呂波32%[4]。