డెక్కన్ చార్జర్స్
From Wikipedia, the free encyclopedia
డెక్కన్ చార్జర్స్ ఇండియన్ ప్రీమియర్ లీగ్ క్రికెట్ పోటీలలో 2009 నుండి 2012 వరకు హైదరాబాదుకు ప్రాతినిధ్యం వహించిన జట్టు. 2009 లో దక్షిణ ఆఫ్రికాలో జరిగిన ఇండియన్ ప్రీమియర్ లీగ్ సీజన్-2 పోటీలలో ఇది విజేతగా నిలిచింది. 2010 లో జరిగిన ఇండియన్ ప్రీమియర్ లీగ్ సీజన్-3 పోటిలలో చెన్నై సూపర్ కింగ్స్ చేతిలో సెమీఫైనల్స్ లో ఓడిపోయి పోటీనుండి నిష్క్రమించింది. 2010 లో జరిగిన వేలంపాటలో ఈ జట్టుకు చెందిన అనేక మంది ఆటగాళ్ళను వేరే జట్లు కొనుగోలు చేశాయి.
{{{name}}} | |||
సారధి: | కుమార సంగక్కర | ||
---|---|---|---|
కోచ్: | డారిల్ లీమన్ | ||
నగరం: | హైదరాబాదు, ఆంధ్రప్రదేశ్ | ||
రంగు(లు): | |||
స్థాపన: | 2008 | ||
స్వంత మైదానం: |
| ||
యజమాని: | డెక్కన్ క్రానికల్ | ||
IPL జయాలు: | 1 (2009) | ||
CLT20 జయాలు: | 0 (Qualified 2009) | ||
అధికారిక అంతర్జాలం: | http://www.deccanchargers.com/ |
2012లో దీని యజమానులు ఫ్రాంచైజీని అమ్మకానికి పెట్టారు. మునుపటి సీజన్లలో జట్టు లోని ఆటగాళ్లను పదేపదే నిషేధించడం వల్ల వాళ్ళు ఈ నిర్ణయం తీసుకున్నారు. కానీ, వచ్చిన ఏకైక బిడ్ను వాళ్ళు తిరస్కరించారు. 2012 సెప్టెంబరు 14 న, కాంట్రాక్టు నిబంధనలను ఉల్లంఘించినందుకు గాను, IPL పాలక మండలి ఫ్రాంచైజీని రద్దు చేసింది.[1] సన్ టీవీ నెట్వర్కు, హైదరాబాద్ ఫ్రాంచైజీ బిడ్ను గెలుచుకుంది. ఈ సంగతిని బిసిసిఐ, 2012 అక్టోబరు 25 న ధ్రువీకరించింది.[2] కొత్త జట్టుకు సన్రైజర్స్ హైదరాబాద్ అని పేరు పెట్టారు.[3]
2020 జూలైలో బాంబే హైకోర్టు నియమించిన ఆర్బిట్రేషన్ ట్రిబ్యునల్, బీసీసీఐ డెక్కన్ ఛార్జర్స్ ఫ్రాంచైజీని రద్దు చేయడం చట్టవిరుద్ధమని తీర్పునిచ్చింది. డెక్కన్ చార్జర్స్ హోల్డింగ్ లిమిటెడ్కి బిసిసిఐ 2012 నుండి నష్టపరిహారంగా 10% వడ్డీతో సహా ₹4,814.67 కోట్లు చెల్లించాలని కోర్టు చెప్పింది.[4]