Sulat Hanunuo
sistemang panulat ng mga Mangyan sa Mindoro / From Wikipedia, the free encyclopedia
Ang Hanunoo (PPA: [hanunuʔɔ]), na isinasalin din bilang Hanunó'o, ay isa sa mga kaparaanan ng pagsulat na katutubo sa Pilipinas at ginagamit ng mga Mangyan ng katimugang Mindoro upang isulat ang wikang Hanunó'o.[1][2] Ito ay isang abugida na nagmula sa Sulat Brahmiko na malapit ang kaugnayan sa Sulat Tagalog, at kilala ito na nakasulat patayo ngunit sinusulat pataas, sa halip na pababa na nasa halos lahat ng ibang kaparaanan ng pagsulat (bagaman, binabasa ito ng pahalang mula sa kaliwa papuntang kanan). Madalas itong nakasulat sa kawayan sa pamamagitan ng pag-ukit ng mga titik nito ng patalim.[3][4] Karamihan sa mga kasalutang Hanunó'o ay kamakailan lamang dahil madaling masira ang kawayan at samakatuwid, mahirap matukoy ang kasaysayan nito.[5]
Hanunó'o (Baybaying Mangyan/Surat Mangyan) ᜱᜨᜳᜨᜳᜢ | |
---|---|
Uri | Abugida |
Mga wika | Hanunó'o |
Panahon | s. 1300–kasalukuyan |
Mga magulang na sistema |
Sulat Proto-Sinaitiko
|
Mga kapatid na sistema | Sa Pilipinas: Buhid (Mangyan Baybayin, Surat Mangyan) |
ISO 15924 | Hano, 371 |
Direksyon | Kaliwa-kanan |
Alyas-Unicode | Hanunoo |
Lawak ng Unicode | U+1720–U+173F |