Aalenium

Die Aalenium is ’n chronostratigrafiese etage sowel as ’n geologiese tydsnede van onderskeidelik die sisteem en periode Jura (serie/epog Middel-Jura). Dit verwys dus na ’n tydperk sowel as die gesteentes wat in dié tydperk gevorm het.

Periode/ sisteem	Epog/ serie	Tydsnede/ etage	M. jaar gelede
Kryt	Vroeg	Berriasium	jonger
Jura	Laat	Titonium	145,0–152,1
		Kimmeridgium	152,1–157,3
		Oxfordium	157,3–163,5
	Middel	Callovium	163,5–166,1
		Batonium	166,1–168,3
		Bajosium	168,3–170,3
		Aalenium	170,3–174,1
	Vroeg	Toarsium	174,1–182,7
		Pliensbachium	182,7–190,8
		Sinemurium	190,8–199,3
		Hettangium	199,3–201,3
Trias	Laat	Rhaetium	ouer
Die verdeling van die Jura (IKS).

Die tydperk was van sowat 174,1 tot 170,3 miljoen jaar gelede.^[1] Dit is voorafgegaan deur die Toarsium en gevolg deur die Bajosium.

Naam en definisie

Die Aalenium is genoem na Aalen in Duitsland, 100 km oos van Stuttgart. Die naam is in 1864 daaraan gege deur die Duitse stratigraaf Karl Mayer-Eymar.

Die basis van die etage word gedefinieer deur die eerste voorkoms van die ammonietgenus Leioceras, en die bokant deur die eerste voorkoms van die ammonietgenus Hyperlioceras. Die tipeligging en globale stratotipepunt is in ’n ontsluiting 500 m noord van die dorp Fuentelsaz in Spanje.^[2]