Angara

Die Angara (Boerjaties: Ангар, Angar, letterlik: "gesplete"; Russies: Ангара́, Angará), soms ook Bo-Toengoeskarivier (Верхняя Тунгуска, Verkhnyaya Tunguska) of Laer-Angara (Ни́жняя Ангара́, Nizhnyaya Angara) genoem, is die grootste sytak van die Jenisejrivier in Siberië. Dié rivier, met 'n lengte van 1 799 km (1 105 myl), ontspring naby Irkoetsk uit die Baikalmeer en vorm dié meer se enigste uitvloei. Aansluitend vloei dié rivier in 'n noordelike rigting deur die Irkoetsk-oblast en bereik Bratsk. Verder noord vloei die Angara in 'n westelike rigting deur die Krasnojarsk-krai en mond sowat 250 km noord van Krasnojarsk in die Jenisejrivier uit.^[1] Die Selenga, die grootste van die Baikalmeer se invloeiende riviere, word hidrologies as die Angara se boloop beskou.

Angara
Die Angara in Irkoetsk Die Angara in Irkoetsk
Die stroomgebied van die Angara
Oorsprong	naby Irkoetsk, Irkoetsk-oblast, Rusland Baikalmeer
Monding	naby Strelka, Krasnojarsk-krai, Rusland Jenisejrivier
Stroomgebied	Rusland
Lengte	1 779 km (1 105 myl)
Oorspronghoogte	456 m (1 496 voet)
Mondinghoogte	74 m (249 voet)
Gemiddelde afloop	4 530 m³/s (159 975 ft³/s)
Stroomgebiedopp.	1 040 000 km² (400 000 myl²)
Kaart van die Angara-bekken in Asië

Fotogalery

• 
  Die Angara se oorsprong in die Baikalmeer
• 
  Die Angara naby die Baikalmeer
• 
  Die Angara naby Bratsk
• 
  Nasa-Satellietbeeld van die Irkoetskdam