Brandrissie

Die brandrissie (in Engels bekend as Cayenne pepper,^[1] cow-horn pepper, aleva, bird pepper),^[2] of, in sy poeiervorm, bekend as rooipeper of paprika — is 'n skerp rissie wat gebruik word om smaak en geur aan disse te verleen. Wanneer dit ryp is, het dit 'n helder rooi kleur, maar kan ook groen geëet word. Dié kultivar van Capsicum annuum is vernoem na die stad Cayenne in Frans-Guyana en is verwant aan soetrissies, jalapeños en andere. Die genus Capsicum is in die nagskadufamilie Solanaceae.

Brandrissie
'n Groot, ryp brandrissie
Wetenskaplike klassifikasie
Koninkryk:	Plantae
Divisie:	Angiosperms
Klas:	Eudicots
Orde:	Solanales
Familie:	Solanaceae
Genus:	Capsicum
Spesie:	C. annuum kultivar: Cayenne

Thaise rissies, 'n tipe Cayenne-peper

Capsicum annuum 'Cayenne'

Die vrugte word normaalweg gedroog en gemaal, of verpulp en in koekies gebak, wat dan gemaal en gesif word om die verpoeierde spesery te lewer.

In kos

Brandrissies kan gebruik word vir die sagmaak van hoenderporsies

Rissies word gebruik tydens die kook van sterkgegeurde disse, as 'n poeier of in sy heel vorm (bv. in Indië, Korea, Sichua en ander Asiatiese lande), of in 'n dun, asyn-gebaseerde sous. Die hitte word op 30 000 tot 50 000 eenhede op die Scoville-skaal gereken. Dit word ook gebruik as 'n kruietoevoegsel.

In drankies

Drankies is deesdae beskikbaar met brandrissie-ekstrak, kapsisien, as 'n aktiewe bestanddeel.^[3][4]

Verbouing

Meeste verboude soorte van die brandrissie, Capsicum annuum, kan op enige plek gekweek word en neem omtrent 100 dae om volgroei te raak. Rissies verkies warm, vogtige, voedingsryke grond in 'n warm klimaat. Die plante bereik ongeveer 0,6 tot 1 meter in hoogte en moet omtrent een meter uitmekaar geplant word.

Voedingswaarde

Brandrissies het 'n redelike hoë vitamien A-inhoud. Verder bevat dit ook vitamien B₆, riboflavien,vitamien C, vitamien E, kalium en mangaan.^[5] Die relatief klein hoeveelhede rissie wat met etes ingeneem word, maak die voedingswaarde van die indiwiduele stowwe egter weglaatbaar klein in die daaglikse waardetabel.

Baie vrae is al gevra oor die hitte-effek van brandrissies. Daar is beweer Kanadese inwoners het brandrissies in hulle stewels gebruik om hitte te behou in temperature onder vriespunt.