Canopus

Canopus (ook bekend as Alpha Carinae of α Car) is die helderste ster in die suidelike sterrebeeld Kiel (Carina). Dit is ook die tweede helderste ster soos van die Aarde gesien, naas Sirius. Canopus se skynbare magnitude is -0,72, en dit het 'n absolute magnitude van -5,53.

Canopus
Canopus se ligging (in die rooi sirkel).
Sterrebeeld	Kiel
Bayer-naam	Alpha Carinae
Spektraaltipe	A9 II[1][2]
Soort	Helder reus
Waarnemingsdata (Epog J2000)
Regte klimming	06h 23m 57.10988s[3]
Deklinasie	-52° 41′ 44.3810″[3]
Skynmagnitude (m)	-0,74[4]
Absolute magnitude (M)	-5,71[5]
B-V-kleurindeks	+0,15[4]
U-B-kleurindeks	+0,10[4]
Besonderhede
Massa (M☉)	8±0,3[6]
Radius (R☉)	71±4[6]
Ligsterkte (L☉)	10 700[6]
Temperatuur (K)	6 998[6]
Rotasiespoed (km/s)	8[5]
Metaalinhoud [Fe/H]	-0,07[5]
Ander name
Suhayl, Suhel, CPD−52°1941, FK5 245, HD 45348, HIP 30438, HR 2326, SAO 234480, GC 8302[7]
Portaal    Sterrekunde

’n Foto van Canopus.

Canopus, soos uit Tokio, Japan, gesien waar dit baie laag bo die suidelike horison verskyn. Die waarnemingsligging is op breedtegraad 35°38′N.

Canopus is 'n helder reus van spektraaltipe A9 II, hoewel dit voorheen ook as F0 Ib geklassifiseer is (Ib verwys na 'n "minder helder superreus") op grond van Canopus se groot ligsterkte. Dit is wit wanneer dit met die blote oog waargeneem word. Canopus kom voor in die verre suidelike hemelruim, by deklinasie -52° 42' (2000) en regte klimming 06h24.0m.^[8]

Name

Die ster se Bayer-naam is "Alpha Carinae". Die tradisionele naam, "Canopus", van die Griekse Κάνωβος, Kanôbos, kan uit twee bronne kom:

• In die legende van die Trojaanse Oorlog was die Kiel nog deel van die ou sterrebeeld Argo Navis, wat die skip van Jason en die Argonoute verteenwoordig het. Die helderste ster het die naam van die skipper van ’n ander skip uit die Griekse mitologie gekry: Canopus van die skip Menelaus wat probeer het om Helena van Troje terug te bring nadat sy deur Paris weggevoer is.
• Die Koptiese naam Kahi Nub ("Goue Aarde") verwys na hoe Canopus kon gelyk het naby die horison van die Antieke Egipte: rooi vanweë sy lae posisie.^[9]