Cherokees

Cherokees (ᏣᎳᎩ ᎦᏬᏂᎯᏍᏗ, Tsalagi Gawonihisdi, [dʒalaˈɡî ɡawónihisˈdî]) is die enigste van die Irokese tale wat nog gebesig word, met 12 300 sprekers in die Amerikaanse deelstate Oklahoma,^[5] Noord-Carolina,^[6] Arkansas^[7] en Kalifornië. Cherokees word deur die Cherokee-Indiane gepraat. Die oorspronklike naam van hierdie taal was Aniyunwiya, die huidige naam Tsalagi is van die Engelse term Cherokees afgelei, wat eens na die Irokese verwys het.

Die woord Tsalagi ("Cherokee") in Cherokees-sillabeskrif

Vroeëre verspreiding van Cherokees in die Verenigde State

Die Cherokees-sillabeskrif, soos ontwerp deur Sequoyah

 

Cherokees ᏣᎳᎩ ᎦᏬᏂᎯᏍᏗ, Tsalagi Gawonihisdi
Uitspraak:	[dʒalaˈɡî ɡawónihisˈdî]
Gepraat in:	Verenigde State
Totale sprekers:	12 300[1]
Taalfamilie:	Irokees  Cherokees
Skrifstelsel:	Cherokees-sillabeskrif, Latynse alfabet
Amptelike status
Amptelike taal in:	Eastern Band of Cherokee Indians in Noord-Carolina Cherokeenasie[2][3][4] van Oklahoma
Gereguleer deur:	United Keetoowah Band Department of Language, History, & Culture; Council of the Cherokee Nation
Taalbedreigingstatus
Uitgesterf EXUitgestorwe taal Bedreig CRKrities bedreigde SEErg bedreigde DEBedreigde VUKwesbare    Veilig    NENie bedreig nie Dit is 'n erg bedreigde taal volgens die UNESCO-wêreldatlas van bedreigde tale
Taalkodes
ISO 639-1:	geen
ISO 639-2:	chr
ISO 639-3:	chr

Cherokees is 'n polisintetiese taal met 'n onderwerp-voorwerp-werkwoord-volgorde en word met die unieke Cherokees-sillabeskrif, wat deur die bekende Sequoyah in die laat 1810's en vroeë 1820's ontwerp is, geskryf. Hedendaags is die meeste Cherokee tweetalig met Engels as tweede taal. Die Unesco beskou Cherokees as 'n bedreigde taal.

Dit is die inheemse taal van die Amerikas waarin die meeste literatuur, insluitende die Bybelse Nuwe Testament en Psalms, gepubliseer is. Die Cherokee Phoenix (ᏣᎳᎩ ᏧᎴᎯᏌᏅᎯ, Tsalagi Tsulehisanvhi) is die eerste koerant wat deur inheemse Amerikaners in die Verenigde State gepubliseer is en die eerste wat in 'n inheemse Amerikaanse taal uitgegee is.