Gilaki

Gilaki (گیلکی, Giləki) is 'n Irannese taal wat deur sowat 2,4 miljoen mense, veral Gilaki's, in die noorde van Iran (Gilan-provinsie) langs die Kaspiese See gepraat word.

Persentasie Gilaki-sprekers volgens Irannese provinsie, 2011

Gilaki گیلکی, Giləki
Gepraat in:	Iran
Gebied:	Wes-Asië
Totale sprekers:	2,4 miljoen[1]
Taalfamilie:	Indo-Europees  Indo-Irannees   Irannees    Wes-Irannees     Noordwes-Irannees      Kaspies       Gilaki
Skrifstelsel:	Arabiese alfabet (Gilaki-alfabet)
Taalkodes
ISO 639-1:	geen
ISO 639-2:
ISO 639-3:	glk

Gilaki is nou verwant aan Mazanderani en die twee tale het 'n gemeensame woordeskat.^[2] Alhoewel Persies Gilaki tot 'n groot mate beïnvloed het, bly Gilaki 'n taal op sy eie met 'n Noordwes-Irannese oorsprong.^[3][4] Die tale Gilaki en Mazanderani (maar geen ander Irannese tale) deel bepaalde tipologiese eienskappe met Kaukasiese tale (veral Suid-Kaukasiese tale),^[5] wat die geskiedenis, etniese identiteit en 'n noue verwantskap tussen die etniese groepe van die Kaukasusstreek en beide die Gilaki's en Mazanderani's weerspieël.^[6][7]