Grens tussen Suid-Afrika en Namibië

Die Grens tussen Namibië en Suid-Afrika is 1 005 kilometer (624 myl) lank.^[1] Dit kronkel langs die Oranjerivier vanaf sy monding by die Atlantiese Oseaan tot by die 20 oosterlengtegraad, en dan pylreguit noordwaarts langs dieselfde lengtegraad tot by die driepunt met Botswana in die Nossobrivier.

Die grens tussen Namibië (groen) en Suid-Afrika (oranje)

Die Oranjerivier tussen Namibië en Suid-Afrika

Die Namibiese kant van die grens by Noordoewer

Grensposte

Daar is sewe amptelike grensposte, met twee wat in oorgrensparke geleë is en slegs deur toeriste gebruik mag word. Noordoewer/Vioolsdrif word algemeen deur verkeer tussen Namibië en Kaapstad gebruik, terwyl Ariamsvlei/Nakop ideaal is vir verkeer na Gauteng en die ooste van Suid-Afrika asook Mosambiek.^[2]

Hier is 'n lys van grensposte tussen Suid-Afrika (almal in die Noord-Kaap) en Namibië.^[3][2]

Grenspos	Naam in Namibië	Ure oop	Nota's	GPS koördinate
Alexanderbaai	Oranjemund	06:00–22:00	Permit benodig vir Sperrgebiet	28.5647°S 16.5036°O / -28.5647; 16.5036 (Oranjemund / Alexanderbaai grenspos)
Nakop	Ariamsvlei	24 uur	N10 word B3; asook spoorbrug	28.0949°S 19.9999°O / -28.0949; 19.9999 (Ariamsvlei / Nakop grenspos)
Onseepkans	Velloorsdrift	08:00–16:30		28.7345°S 19.3056°O / -28.7345; 19.3056 (Velloorsdrif / Onseepkans grenspos)
Rietfontein	Klein Menasse	08:00–16:30		26.7564°S 19.9992°O / -26.7564; 19.9992 (Klein Menasse / Rietfontein grenspos)
Sendelingsdrif	Sendelingsdrif	08:00–16:30	Slegs vir toeriste aan die ǀAi-ǀAis/Richtersveld-vredespark	28.1227°S 16.8889°O / -28.1227; 16.8889 (Sendelingsdrif)
Mata-Mata	Twee Rivieren	07:30–16:30	Slegs vir toeriste aan die Kgalagadi-vredespark	25.7679°S 20.000°O / -25.7679; 20.000 (Twee Rivieren grenspos)
Vioolsdrif	Noordoewer	24 uur	N7 word B1	28.7656°S 17.6262°O / -28.7656; 17.6262 (Noordoewer / Vioolsdrif grenspos)

Sien ook

• Wet op die Erkenning van die Onafhanklikheid van Namibië, 1990