Jacaranda FM

Jacaranda FM is 'n kommersiële Suid-Afrikaanse radiostasie wat in Afrikaans en Engels uitsaai. Hulle senders dek Gauteng, Limpopo, Mpumalanga en die Noordwesprovinsie, en daar kan ook aanlyn op die stasie ingeskakel word. Hulle saai op die frekwensie 93.9 – 97.1 MHz FM uit. Die stasie se slagspreuk is "More Music You Love" maar het al verskeie kere oor die jare verander en was al onder andere "Life's Greatest Hits" en "80’s, 90’s and now" op verskillende tye.

Jacaranda FM
Gestig	1 Januarie 1986
Formaat	Internet, FM
Eienaar	Kagiso-media; LARI
Frekwensie	94.2 MHz
Slagspreuk	"More Music You Love"
Taal	Afrikaans en Engels
Uitsaaiarea	Gauteng, Limpopo, Mpumalanga, Noordwes
Vervang	Springbokradio
Webtuiste	jacarandafm.com
Aanlyn Uitsending	jacarandafm.com Listen Live

Geskiedenis

Die eerste uitsending van Radio Jakaranda (die naam van die radiostasie tydens sy stigting) het begin om middernag op die eerste Januarie 1986. Dit het sekondes na die staking in uitsending van Springbokradio begin as 'n projek deur die SAUK om sy streeksradiostasies uit te brei. Dit het daarna hande verwissel en word tans hoofsaaklik (80% aandele) deur Kagiso Media besit.^[1]